Stjórnstöðvarbíll FBSR
1975 - 1984
Varðveitt hjá
Byggðasafnið Skógum
Varnaliðið á Keflavíkurflugvelli gaf Flugbjörgunarsveitin í Reykjavík tvo Weapon bíla ásamt flaki af þeim þriðja, allt nema yfirbygginguna. Félögum í Bíladeild FBS datt í hug að gera ferðabíl úr þessum pörtum. Gerðu undirvagn tilbúinn fyrir yfirbyggingu fyrir 15 manna ferðabíl. Byggt var yfir bílinn hjá bílasmið í Kópavogi og hann skráður 1971 sem slíkur.
Síðan var hann notaður á allmörg ár á eftir þar til aðrir heppilegri bílar voru keyptir.
Um 1980 var ekkert verið að nota hann lengur svo undirritaður tók sig til og innréttaði bílinn sem stjórnstöðva og fjarskiptabíl með öllum þeim gerðum talstöðva sem þá voru í notkun. Honum var svo ekið á það svæði sem leit stóð yfir hverju sinni. Sett var borð og bekkir fyrir stjórnendur leitar ásamt vinnuborði fyrir fjarskiptamanninn.
Talstöðvarnar eru: SSB 100W Yaesu FT-180 stöð ásamt loftnetstunner. 2 st VHF talstöðvar. 1 st.CB talstöð og stöð á flugbandinu. Almannavarnastöð og 100 rása VHF Scanner.
Einnig móttakari frá 500 KHz til 30 MHz með AM-SSB-CW-FM W og N bandi og NMT Farsími. Einnig var venjulegur sími með þeim möguleika að yfirtaka símalínu í nærliggjandi húsi ef með þyrfti. Bíllinn fékk heitið FBS-1 og kallmerki var það sama. Vegna útlits yfirbyggingar festist við bílinn gælunafnið „Skjaldbakan“. Síðast var hann notaður þegar björgunaraðgerðir stóðu yfir vegna strands Ms Víkartinds í mars árið 1997. Skömmu síðar var hann lánaður til Björgunarsveitarinnar í Vík í Mýrdal vegna þess að menn bjuggust við Kötlugosi. Ekkert varð úr því og þá var honum komið fyrir í Skógasafni og er þar til sýnis með öllum búnaði.
Undirritaður yfirfór öll tæki þannig að hann væri tilbúinn ef á þyrfti að halda.
Nú eru þessi fjarskipti sem tækin buðu upp á ekki notuð lengur svo hann er sýningagripur sem segir og sýnir sögu fyrri tíma ásamt fjarskiptatækjum Flugbjörgunarsveitarinnar frá upphafi þess félags.
Eftir að Skógasafn fékk bílinn til eignar var nafninu breytt í „FBS 11“ því nýrri bílar Flugbjörgunarsveitarinnar hafa borið nafnið FBS-1 síðar.
Heimild: Sigurður Harðarson rafeindavirki og félagi í FBS.
Aðrar upplýsingar
Titill
Sérheiti: Stjórnstöðvarbíll FBSR
Ártal
1975 - 1984
Efni
Safnnúmer
Safnnúmer A: SHR-199
Aðfangategund
Undirskrár
Undirskrá: Samgöngusafnið
Undirskrá: Fjarskiptasafn Sigurðar Harðarsonar
Efnisorð / Heiti