Talstöðvar GJ rútufyrirtækisins

Varðveitt hjá

Talstöðvar, allar gerðir sem Hópferðafyrirtæki Guðmundar Jónassonar notaði, (GJ Travel), fyrsta rútufyrirtækið sem tekur VHF talstöðvar í sína notkun árið 1970. Fyrstu stöðvarnar voru Bimini 25 og Bimini 12+2 frá Pearce Simpson á Florita, næst Zodiak Aquarius frá Swiss og síðan YAESU FTC-1525 frá Yaesu í Japan. Raduioþjónusta Sigga Harðar þjónustaði þessar stöðvar fyrir GJ frá upphafi og alla tíð fram að þegar farsímakerfin tóku við. Móðurstöð var í Borgartúni 32, Reykjavík þar sem skrifstofa og verkstæði var til húsa. Þegar mest var voru talstöðvar í um 30 -35 bílum. Fyrirtækið sá um áætlunarferðir til og frá Keflavíkurflugvelli eftir að millilandaflug fluttist þangað og svo um skólaakstur fyrir Reykjavíkurborg ásamt fjallaferðum um hálendið. Þessar talstöðvar auðvelduðu mikið samskipti við bílana því engin farsími var kominn í þá daga. Guðmundur Jónasson fjallabílstjóri (1906-1985): Upphafsmaður og stofnandi fyrirtækisins, Guðmundur Jónasson , var goðsögn þegar í lifandi lífi vegna frumkvöðlastarfs í óbyggðaferðum og ferðaþjónustu. Guðmundur vann mikið brautryðjendastarf á sviði ferðaþjónustu fyrir erlenda ferðamenn með hálendisferðum sínum í árdaga ferðamennsku á Íslandi. Ófáar sögur eru til af Guðmundi, hvernig hann brást við hinu óvænta sem nánast var í hvert sinn í hálendisferðum þess tíma. Slóðar á hálendinu voru verri í þá daga og fóru illa með farartæki. Þurfti þá oft verulega útsjónarsemi til að ljúka ferðum og hana hafði Guðmundur í ríkum mæli. Árið 1951 gerði Guðmundur fyrstur manna tilraun með talstöð í fjallabíl. Útbúinn var bátatalstöð og loftnet sett á einn fjallabíl hans. Farið var á Þingvöll og prófað við Loftskeytastöðina í Reykjavík. Þessi tilraun gafst svo vel að á næstu árum fjölgaði talstöðvum í ferðabílum á landinu. Árið 1961 er síðan tekin upp sólahrings þjónusta við bíla frá Loftskeytastöðinni í Gufunesi á sérstakri bylgju, 2790 kHz. Kallmerkið var „Gufunesradio“.