RCA Type R-41 upphaflega flutt inn sem Kit
1925
Varðveitt hjá
Byggðasafnið Skógum
Útvarp af tegundinni Kit frá RCA. Þetta tæki hefur verið flutt inn ósamsett, sennilega um sama leiti og fyrsta útvarpsstöðin tók til starfa árið 1926. Fundist hafa myndir og upplýsingar um samskonar tæki frá árinu 1925 frá verksmiðju RCA í Kanada. Það var nokkuð algengt á þessum árum að laghentir menn spöruðu sér talsverða peninga með því að setja tækin saman sjálfir. Allt efni fylgdi með, sem og góðar leiðbeiningar. Jafnvel var þessi möguleiki auglýstur sem atvinnuskapandi atvinna. Með eftirgrennslan kemur í ljós að RCA Viktor í Bandaríkjunum framleiddi þessi „Kit“ eins og þau voru kölluð til ársins 1945. Þetta tæki er Strate viðtæki, eingöngu fyrir heyrnatól og rafhlöður.
Í blaðagrein frá árinu 1923 er greint frá því að frumgerð þessa tækis hafi verið smíðuð árið 1920. Markmiðið var að koma á markað einfaldri gerð tækis, sem almenningur gæti heimasmíðað. Tækið fékk nafnið “Radiola 1“. Það er einfalt í notkun, tveir takkar til að stilla inn á útvarpsstöðina, rofi og styrkstillir. Í Bandaríkjunum hófst útvarpsdagskrá í tilraunaskyni árið 1916 og almennar útsendingar hófust stuttu síðar. Því var brýnt að koma á markað ódýrum tækjum. Í Evrópu hófust tilraunaútsendingar ekki fyrr en árið 1920 og reglulegar sendingar árið 1923.
Tækið fannst í geymslum í Grímsnesi, innan um gömul tæki frá Karli Sigurðssyni rennismið og miklum áhugamanni um radiotækni. Hann átti mikið safn útvarpstækja.
Aðrar upplýsingar
Titill
Sérheiti: RCA Type R-41 upphaflega flutt inn sem Kit
Ártal
1925
Efni
Safnnúmer
Safnnúmer A: SHR-137
Stærð
53 x 32 x 24 cm
8.5 kg
Lengd: 53 Breidd: 32 Hæð: 24 cm
Aðfangategund
Undirskrár
Undirskrá: Samgöngusafnið
Undirskrá: Fjarskiptasafn Sigurðar Harðarsonar
Efnisorð / Heiti
Efnisorð: Útvarp