Dragkista
Varðveitt hjá
Byggðasafn Skagfirðinga
Lítil dragkista, með þremur skúffum. Hæð 49,2 cm, breidd, að lista meðtöldum er um 40 cm, en 38 cm að lista frátöldum. Dýpt er um 24,5 cm með lista, en dýpt annars 23 cm.
Í efstu skúffunni er lykill, henni er hægt að læsa, en á neðri tveimur skúffunum eru málmhringir fyrir höldur og ekki hægt að læsa. Efst á dragkistunni er listi, sem og neðst og stendur hún á fallega mynstraðri brík. Dragkistan er brúnmáluð, sýnilega gömul og málningin hefur afmáðst hér og þar, sérstaklega á álagspunktum, við brúnir og á efri og neðri listum. Einnig eru skellur í málningunni efst, á plötunni. Neðri skúffurnar tvær eru klæddar lituðum pappír í botninn. Dragkistan er aðeins völt, lítillega hefur brotnað úr fæti, hægra megin að aftan.
Smíðuð af Guðjóni Gunnlaugssyni (1862-1945) frá Vatnskoti í Hegranesi.
Gefandi er Lilja Jónsdóttir frá Syðri-Húsabakka.
MKR 530: „Kommóða: Brún að lit, stærð 50 cm, breidd 42 cm, dýpt 25 cm. Smíðuð af Guðjóni Gunnlaugssyni (1862-1945) frá Vatnskoti í Hegranesi, fyrir Steinunni Jónsdóttur (? - ?) frá Beinhöll (Beinhallar-Steinka). Steinunn gaf síðan Guðbjörgu Hjartardóttur (?-?) frá Marbæli kommóðuna, en þegar Guðbjörg dó gaf faðir hennar, Hjörtur Benediktsson (1883-1982) frá Marbæli, Lilju Jónsdóttur frá Syðri-Húsabakka hana.
Frá: Lilju Jónsdóttur frá Syðri-Húsabakka.“
Aðrar upplýsingar
Safnnúmer
Safnnúmer A: BSk-5383
Safnnúmer B: 2023-11
Stærð
40 x 24.5 x 49.2 cm
Lengd: 40 Breidd: 24.5 Hæð: 49.2 cm
Staður
Staður: Syðri-Húsabakki, 560-Varmahlíð, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti
Upprunastaður
65°37'42.2"N 19°27'24.3"W