Röntgentæki
1945 - 1970
Varðveitt hjá
Borgarsögusafn Reykjavíkur
Hlutar af Röntgen-tæki eða gegnumlýsingartæki sem voru á berklavarnarstöðinni í Líkn (það hús er nú í Árbæjarsafni).
Þetta eru tæki sem Jón Eiríkssson læknir notaði við gegnumlýsingar og berklaleit í Líkn. Hjúkrunarfélagið Líkn var stofnað af konum í Reykajvik Einnig er hugsanlegt að Jón og fleiri hafi farið með tækin um landið.
Hjúkrunarfélagið Líkn var stofnað árið 1915 af konum í Reykjavík en markmið félagsins var einkum að vinna að bættu heilsufari og heilsuvernd og annast heimahjúkrun fyrir efnalitla sjúklinga í Reykjavík endurgjaldslaust. Líkn fékk styrki úr bæjarsjóði en starfsemin byggðist samt fyrst og fremst á framlögum félagsmanna.Heilbrigðisástand í bænum var ekki gott á fyrri hluta 20. aldar. Mikil fátækt, léleg húsakynni og skortur á mjólk bættu ekki úr skák. Haustið 1918 geisaði mannskæð drepsótt í Reykjavík, spánska veikin en um 300 Reykvíkingar létust úr veikinni eða afleiðingum hennar.
Verkefni hins nýja hjúkrunarfélags voru því yfirþyrmandi. Berklar voru stærsta heilbrigðisvandamál þjóðarinnar fram yfir 1940 og létust mun fleiri konur úr berklum hér á landi en í nágrannalöndum okkar. Árið 1919 stofnaði Líkn Berklavarnarstöð í bænum og var það fyrsti vísir að heilsuverndarstöð á Íslandi. Berklavarnarstöð Líknar gaf öllum kost á berklaskoðun endurgjaldslaust, berklavarnarstöðin sá einnig um einangrun og hjúkrun þeirra sem biðu eftir plássi á Vífilstöðum.
Heilsuvernd í Reykjavík var í höndum Líknar til 1946 er Heilsuverndarstöð Reykjavíkur hóf starfsemi og fluttust berklavarnir þangað.
Aðrar upplýsingar
Gefandi: Heilsuverndarstöð Reykjavíkur
Ártal
1945 - 1970
Efni
Safnnúmer
Safnnúmer B: 2008-10-1
Staður
Núverandi sveitarfélag: Reykjavíkurborg, Reykjavíkurborg
Aðfangategund
Efnisorð / Heiti
Efnisorð: Röntgentæki