Panta mynd Notkunarskilmálar

Hárþurrka

1940 - 1960

Varðveitt hjá

Minjasafnið á Akureyri

Hárþurrka, stór á fæti með hjálmi. Undir þurrkunni eru fjórir fætur eða armar með fjórum hjólum undir og er hann úr járni og ljóslakkaður með stálplötum fremst á fótunum til hlífðar. Upp úr fótunum gengur stöng sem er úr krómuðu járni. Innan í henni er stálgormur og gengur hann inn í efri hluta þurrkunnar. Efst á efri hluta þurrkunnar er festur hjálmur. Hann er úr steyptu áli sem er ljóslakkað og einnig úr krómuðu járni. Neðsti hlutinn er úr gegnsæju plexigleri. Framan á hjálminum er hitamælir og efst framan á hjálminum er upptrekt klukka sem sýnir 0-30 mínútur. Ofan á hjálmi er rofi fyrir afl merktur 0-I-II-III. (svipaður og rofi á eldavél). Framan á hjálminum stendur "Südwind". Aftan á eru tæknilegar upplýsingar þar sem kemur fram að þurrkan sé 220V og 50 Hz. og 3x220 og framleiðslunúmerið 703195. Úr þurrkunni eru tvær snúrur önnur er fyrir innstungu en hin er með snúrurofa. Hárþurrkan var síðast notuð á Hárgreiðslustofunni Hártískunni í Kaupangi á Akureyri og var hún gefin safninu af eiganda stofunnar, Bjarneyju Sigvaldadóttur. Bjarney lærði hárgreiðslu hjá Ástu Pálsdóttur sem rak hárgreiðslustofuna Bylgjuna og keypti Bjarney hárþurrkuna af henni í kringum 1970. Þá var þurrkan orðin nokkuð gömul en í fullkomnu lagi. Ásta mun einnig hafa keypt þurrkuna notaða, hugsanlega af Ástu Ísberg og Guðrúnu Ísberg en hún keypti hárgreiðslustofuna af þeim.(ath. betur).