Listaverk
1950 - 1975
Varðveitt hjá
Síldarminjasafn Íslands
Málverk, unnið með vatnslitum og penna á pappír og er undir gleri. Verkið ber heitið ,,Grána” og er eftir Hafliða Guðmundsson (1921-1981) kennara á Siglufirði, sem var fjölhæfur og listfengur maður. Hann fékkst meðal annars við myndgerð þar sem síldin, fólkið og mannvirki voru viðfangsefni.
Verkið sýnir síldarverksmiðjuna Gránu á Siglufirði og snævi þakin fjöll í baksýn. Grána var fyrsta íslenska síldarverksmiðjan, reis á Siglufirði árið 1919 og var í eigu Hinna sameinuðu íslensku verslana. Hún tók til starfa um það leyti sem starfsemi annarra verksmiðja sem risið höfðu áratuginn á undan leið undir lok, svo sem verksmiðjur Bakkevigs, Söbstads og Evanger-bræðra og bræðsluskipin Alpha og Eureka. Grána var í upphafi sögð „gamaldags gripur og afkastalítil“ en fljótlega voru gerðar breytingar á verksmiðjunni og jókst afkastagetan í 60 tonn síldar á sólarhring. Daninn Sören Goos eignaðist Gránu árið 1928 og bætti þá enn tækjakostinn og árið 1933 eignaðist Siglufjarðarkaupstaður verksmiðjuna og leigði hana Snorra Stefánssyni og Sigurði Kristjánssyni. Síðast var brætt í Gránu um 1940.
Aðrar upplýsingar
Ártal
1950 - 1975
Efni
Safnnúmer
Safnnúmer A: SÍ
Safnnúmer B: 2023-186
Stærð
60 x 50 x 0.7 cm
Lengd: 60 Breidd: 50 Hæð: 0.7 cm
Staður
Núverandi sveitarfélag: Fjallabyggð, Fjallabyggð
Aðfangategund
Undirskrár
Undirskrá: Almenn munaskrá
Efnisorð / Heiti