Listaverk
1980 - 1990
Varðveitt hjá
Síldarminjasafn Íslands
Vatnslitamálverk eftir Sigurjón Jóhannsson (f. 1939, d. 2023), í stálramma undir gleri. Verkið ber heitið ,,Rauðkueldar” og er af síldarverksmiðjunni Rauðku. Sjá má rauðlit þök hennar og strompa sem uppúr gýs reykur og í fjarska má greina Hólshyrnuna daufmálaða og hvíta.
Síldarverksmiðjan Rauðka var reist árið 1913 af hinum danska Sören Goos. Rauðka dró nafn sitt af lit verksmiðjuhúsanna, sem öll voru máluð rauð. Verksmiðjuhúsið var tvílyft og steinsteypt og upp úr þaki þess reis hlaðinn reykháfur úr brenndum múrsteini frá Danmörku. Árið 1932 tók Steindór Hjaltalín verksmiðjuna á leigu og tveimur árum síðar eignaðist Siglufjarðarkaupstaður Rauðku, sem og allar eigur Sörens Goos. Bryggjur verksmiðjunnar voru þá orðnar niðurníddar og lélegar, vélakostur var sömuleiðis úreltur. SR hafði stuttu áður hafnað boði um að kaupa verksmiðjuna vegna ástands hennar. Árið 1944 var ákveðið að ráðast í stækkun Rauðku og var allur tækjakostur endurnýjaður. Sumarið eftir, 1945 var mikið síldarleysissumar og því gerði Rauðka lítið annað en að auka skuldir bæjarsjóðs það sumarið. Rauðka var starfrækt til ársins 1965 en þá var síðast brædd síld í verksmiðjunni. Rauðka gamla var síðan rifin um 1980.
Aðrar upplýsingar
Ártal
1980 - 1990
Safnnúmer
Safnnúmer A: SÍ
Safnnúmer B: 2023-182
Stærð
71.5 x 91 x 2 cm
Lengd: 71.5 Breidd: 91 Hæð: 2 cm
Staður
Núverandi sveitarfélag: Fjallabyggð, Fjallabyggð
Aðfangategund
Undirskrár
Undirskrá: Almenn munaskrá
Efnisorð / Heiti