Til baka í leit
Veistu meira?

Snittuspaði

1940 - 1960
Varðveitt hjá
Þjóðminjasafn Íslands
Snittuspaði úr silfri. Blaðið er flatt og dropalaga í endann. Skreyti er greypt í framhlið blaðsins; "Island" í miðju Íslandskorti, jurtaskreyti í kring. Skaftið er með víravirki. Á bakhlið skaftsins eru tvær flatar og hringlaga þynnur, á þeim er smiðsstimpillinn "OBP" og hreinleikastimpillinn "925". Spaðinn er því úr 92,5% sterling silfri. Snittuspaðinn er afar vel með farinn. ÓBP er smiðsstimpill Óskars Benedikts Péturssonar (f. 1909, d. 1999). Óskar nam gullsmíðar hjá Guðlaugi A. Magnússyni og var fyrsti nemandi hans. Hann starfaði á verkstæði Guðlaugs í tíu ár eftir að hann lauk sveinsprófi um 1930. Þá opnaði hann eigið verkstæði við Karlagötu 15 í Reykjavík, í kjallaranum að heimili hans. Óskar var best þekktur fyrir smíði víravirkis. Gefandi er Margrét Skarphéðinsdóttir (f. 1950). Snittuspaðann fékk hún frá frænku sinni og nöfnu, Margréti Nikólínu Lýðsdóttur (f. 1905, d. 2000). Margrét bjó alla tíð í Reykjavík. Hún var myndarleg húsmóðir og hugsaði vel um sitt silfur. Hún giftist Guðna Jónssyni (f. 1906, d. 1973) skósmiði, hjónin eignuðust enga afkomendur. Gefandi er skírð í höfuð á þeim hjónum og arfleiddi Margrét hana að spaðanum, ásamt fleiri silfurgripum sem afhendir voru safninu (Þjms. 2023-6-1, 2, 3, 4, 6, 7, 8, 9). Var ósk Margrétar sú að silfrið færi á safn eftir að frænka hennar notaði það ekki lengur.

Aðrar upplýsingar

Ártal
1940 - 1960
Efni
Safnnúmer
Safnnúmer B: 2023-6-5
Stærð
12.5 x 3.9 cm Lengd: 12.5 Breidd: 3.9 cm
Aðfangategund
Undirskrár
Undirskrá: Munasafn
Efnisorð / Heiti
Heimildir
Halla Bogadóttir. (1999, 30. október). Óskar Benedikt Pétursson. Morgunblaðið, bls. 65. Sótt af: https://timarit.is/page/1949704 Ásdís Magnúsdóttir (1996, 11. júlí). Morgunblaðið, bls. 38. Sótt af: https://timarit.is/page/1857863