Aðrar upplýsingar
Kyn / Fæðingarár heimildarmanns
Kona (Aldur ekki skilgreindur)
Ártal
Tímabil: 01.01.2020 - 01.01.2023
Safnnúmer
Safnnúmer B: 2022-1-631
Spurningaskrá / Svör
Lýstu mataræði þínu í daglegu lífi. Taktu fram ef þú skilgreinir mataræði þitt á ákveðinn hátt, og hvað felst í þeirri skilgreiningu.
Alla virka daga kýs ég ekki að borða fyrr en í hádeginu. Þá borða ég þann hádegismat sem vinnan mín býður upp á - nema stundum kem ég með próteinsjeik í staðinn sem samanstendur af próteindufti og vatni/mjólk.
Hversu lengi hefur þú aðhyllst þetta mataræði?
Þrjú ár.
Hvað varð til þess að þú snerir þér að þessu mataræði? Hverjar eru helstu ástæðurnar að baki ákvörðuninni og hvers vegna heldurðu þig við það?
Ég var að borða of mikið af kolvetnum þó svo að ég hafi örugglega fylgt fordæmi WHO er varðar prótein, kolvetni og fitu. Að borða margar máltíðir á dag hafði neikvæð áhrif mig: ég þyngdist og fann fyrir verkjum í liðum. Síðan að ég hætti að borða á morgnana og minnkaði inntöku kolvetna hef ég viðhaldið þyngd minni og minnkað verki í liðum.
Hvar heyrðirðu fyrst um þetta mataræði? Hvernig átti breytingin sér stað? Skyndilega eða smám saman?
Mínar skoðanir um mat og máltíðir höfðu verið mótaðar frá æsku: ég átti að borða oft og alltaf klára matinn á disknum mínum. Þegar ég varð eldri fór ég að mynda mínar eigin skoðanir og fór að ráða því sjálfur hvað og hvenær ég borðaði. Það tók mig sennilega áratug að komast í mína eigin rútínu og afbaka það sem mér hafði verið tamið í æsku.
Hafa áherslur þínar eða viðhorf eitthvað breyst síðan þú byrjaðir á þessu mataræði? Geturðu gefið dæmi?
Viðhorf mitt til matar er ólíkt því sem það var: ég nýt þess mjög að borða í hádeginu.
Hefurðu upplifað einhverjar breytingar á þér sjálfri/sjálfum/sjálfu í kjölfarið á breyttu mataræði? T.d. breytingar á líðan (líkamlegri eða andlegri), bragðskyni, hegðun, áhugamálum eða félagslífi? Ef svo er, geturðu lýst breytingunum eða gefið dæmi?
Ég er orkumeiri en samstarfsfélagar mínir sem borða morgunmat og fá sér svo morgunkaffi tveimur klukkustundum síðar. Mér verkjar ekki lengur í liðunum og ég þarf að hafa minna fyrir því að viðhalda þyngd. Þetta mataræði hefur ekki breytt miklu er varðar mitt félagslíf.
Hvar verslar þú í matinn dags daglega? Hvað ræður því hvaða vörur rata í innkaupakörfuna? (Skiptir t.d. verðlag máli? Uppruni vörunnar? En markaðssetning og auglýsingar? Upplýsingar á pakkningum? Uppröðun í búðinni?)
Ég versla í Krónunni eða Bónus. Gæði og verðlag ráða því hvað ratar í innkaupakörfuna. Undanfarið hafa markaðssetningar farið að hafa áhrif á það sem fer í körfuna: til að mynda hefur tveggja ára dóttir mín viljað fá Gurru Grís rúsínur. Síðan tek ég oft tyggjóið við búðarkassann.
Hvernig er aðgengi þar sem þú býrð að þeim mat eða hráefnum sem þú þarft til að geta farið eftir þínu mataræði?
Ég get alltaf nálgast þann mat sem ég vil borða - þegar að ég vil borða.
Hversu mikinn áhuga hefur þú á mat og matargerð almennt? Er matur mikilvægur í þínu lífi? Hversu miklum tíma eyðir þú í að hugsa um, laga og neyta matar? Finnst þér gaman að prófa nýjar uppskriftir, eða jafnvel finna upp þínar eigin
Mér finnst ekkert sérstaklega gaman að elda. Ég kann að búa til hitt og þetta en kýs þó oftast að hafa matinn frekar einfaldan.
Hvað einkennir góðan mat? (T.d. hvað varðar bragð, lykt, áferð, útlit eða aðra eiginleika).
Góður matar bragðast vel og lyktar ekki illa.
Hvað einkennir gæða matvæli þegar kemur að þínu mataræði? Skiptir t.d. máli hvort varan er fersk eða unnin, með viðbættum efnum eða annað slíkt?
Helst þarf maturinn að vera eins ferskur og kostur er. Ég reyni að gefa dóttur minni góðan og hollan mat og sýni gott fordæmi með því að borða hann sjálfur.
Er eitthvað sem þú saknar sérstaklega mikið úr þínu fyrra mataræði? Hvers vegna?
Nei.
Hversu oft eldarðu mat heima hjá þér? Hvað þarf að vera til staðar í eldhúsinu svo þú getir farið eftir þínu mataræði? (Sérstök áhöld eða tæki, ákveðið mikið pláss eða annað?)
Um það bil þrisvar. Ég þarf yfirleitt pott eða pönnu og eldavél. Gott er að vera með beittan hníf og skurðarbretti.
Ferðu oft út að borða? Hvert þá helst? Er auðvelt eða erfitt að panta mat á veitingastöðum sem hentar þínu mataræði?
Ég fer sjaldan út að borða því dóttir mín er með ýmis fæðuofnæmi. Annars er ekkert mál að panta mat fyrir mig á veitingastöðum.
Hverjar eru helstu hindranir sem þú hefur rekist á í daglegu lífi þegar kemur að mataræði þínu? Hvað myndi gera þér enn auðveldara fyrir að fara eftir þínu mataræði?
Það kemur fyrir að samstarfsfélagarnir mínir koma með rosalega gómsætar kræsingar með morgunkaffinu: oftast læt ég þær vera en þó hef ég látið undan og þurft að finna fyrir því seinna um daginn.
Lýstu heimilisaðstæðum þínum. (Hversu margir búa á heimilinu? Eru börn á heimilinu? O.s.frv.). Fara allir á heimilinu eftir sama mataræði og þú? Ef ekki, hvernig hefur það áhrif?
Við hjónin eigum eina tveggja ára stelpu og eigum von á annari bráðum. Við erum frekar samstíga er varðar mataræði.
Upplifir þú stuðning eða gagnrýni frá fjölskyldu, vinum eða vinnu/skólafélögum varðandi þitt mataræði? Skiptir það þig máli? Geturðu gefið dæmi?
Eldri vinnufélagar mínir setja oftast út á það þegar ég fæ mér próteinsjeik í hádegismatinn. Ég læt það ekki á mig fá.
Skipta matarhefðir þig máli, t.d. við hátíðahöld? Hefur þú þurft að aðlaga hefðir að mataræði þínu? Hvernig þá?
Það skiptir mig voða litlu máli enda var það ekki viðloðandi í minni fjölskyldu. Ég væri til í að fá malt og appelsín yfir hátíðarnar en annars er fæðurútínan mín nokkuð gegnumgangandi út árið.
Hvað með veislur og matarboð? Þarftu að gera sérstakar ráðstafanir því tengt? Hvernig viðhorf hefur þú upplifað frá gestgjöfum eða öðrum gestum? Nefndu endilega dæmi.
Það þarf ekki að gera neinar ráðstafanir varðandi mataræðið mitt. Það er ágætt þar sem að það þarf að gera nóg af ráðstöfunum fyrir ofnæmisstúlkuna mína.
Hefur þú tekið eftir sérstökum viðhorfum eða öðru tengdu mataræði þínu út frá kyni þínu? Ef svo er væri gagnlegt að fá dæmi.
Ég hef verið spurður hvort ég verði vöðvameiri á því að sleppa máltíðum og borða prótein. Ég hef velt því fyrir mér hvort ég fengi þessar spurningar ef ég væri ekki karlmaður.
Hvert sækir þú helst upplýsingar, fróðleik, uppskriftir eða innblástur fyrir þitt mataræði? Endilega settu inn tengla á vefsíður eða samfélagsmiðla ef um slíkt er að ræða.
Ég hef lesið bækur um föstur. Til að mynda Obesity Code - https://www.goodreads.com/en/book/show/24945404
Hvað felst í þínum huga í sjálfbærni í daglegu lífi?
Við erum með nægan fituforða til þess að keyra okkur áfram í lengri tíma. Ég er tiltölulega sjálfbær næstu vikurnar - en ég þyrfti alltaf vatn og steinefni.
Hvað felst í þínum huga í heilsusamlegu mataræði? Hvað/hvernig er hollur matur?
Lítið af kolvetnum og færri máltíðir. Hollur og góður matur lætur mann líða vel.
Finnst þér mikilvægt að fræða aðra um þitt mataræði? Hvers vegna og hvernig?
Hvers vegna ekki? Nefndu endilega dæmi.
Ég hef haldið þessu svolítið fyrir mig. Þó ákvað samstarfsfélagi minn að gera eins og ég og fann fyrir jákvæðum breytingum á lífi sínu.
Sérð þú fyrir þér að halda áfram að fara eftir þessu mataræði um ókomna tíð?
Já.
Er eitthvað sem þú vilt bæta við sem hefur ekki komið fram nú þegar?
Nei.
Hefur þú einhverjar athugasemdir við þessa spurningaskrá?
Nei.
Við hvað starfar þú?
Í grunnskóla.
Hver er menntun þín?
Framhaldsskólamenntun.
Alla virka daga kýs ég ekki að borða fyrr en í hádeginu. Þá borða ég þann hádegismat sem vinnan mín býður upp á - nema stundum kem ég með próteinsjeik í staðinn sem samanstendur af próteindufti og vatni/mjólk.
Hversu lengi hefur þú aðhyllst þetta mataræði?
Þrjú ár.
Hvað varð til þess að þú snerir þér að þessu mataræði? Hverjar eru helstu ástæðurnar að baki ákvörðuninni og hvers vegna heldurðu þig við það?
Ég var að borða of mikið af kolvetnum þó svo að ég hafi örugglega fylgt fordæmi WHO er varðar prótein, kolvetni og fitu. Að borða margar máltíðir á dag hafði neikvæð áhrif mig: ég þyngdist og fann fyrir verkjum í liðum. Síðan að ég hætti að borða á morgnana og minnkaði inntöku kolvetna hef ég viðhaldið þyngd minni og minnkað verki í liðum.
Hvar heyrðirðu fyrst um þetta mataræði? Hvernig átti breytingin sér stað? Skyndilega eða smám saman?
Mínar skoðanir um mat og máltíðir höfðu verið mótaðar frá æsku: ég átti að borða oft og alltaf klára matinn á disknum mínum. Þegar ég varð eldri fór ég að mynda mínar eigin skoðanir og fór að ráða því sjálfur hvað og hvenær ég borðaði. Það tók mig sennilega áratug að komast í mína eigin rútínu og afbaka það sem mér hafði verið tamið í æsku.
Hafa áherslur þínar eða viðhorf eitthvað breyst síðan þú byrjaðir á þessu mataræði? Geturðu gefið dæmi?
Viðhorf mitt til matar er ólíkt því sem það var: ég nýt þess mjög að borða í hádeginu.
Hefurðu upplifað einhverjar breytingar á þér sjálfri/sjálfum/sjálfu í kjölfarið á breyttu mataræði? T.d. breytingar á líðan (líkamlegri eða andlegri), bragðskyni, hegðun, áhugamálum eða félagslífi? Ef svo er, geturðu lýst breytingunum eða gefið dæmi?
Ég er orkumeiri en samstarfsfélagar mínir sem borða morgunmat og fá sér svo morgunkaffi tveimur klukkustundum síðar. Mér verkjar ekki lengur í liðunum og ég þarf að hafa minna fyrir því að viðhalda þyngd. Þetta mataræði hefur ekki breytt miklu er varðar mitt félagslíf.
Hvar verslar þú í matinn dags daglega? Hvað ræður því hvaða vörur rata í innkaupakörfuna? (Skiptir t.d. verðlag máli? Uppruni vörunnar? En markaðssetning og auglýsingar? Upplýsingar á pakkningum? Uppröðun í búðinni?)
Ég versla í Krónunni eða Bónus. Gæði og verðlag ráða því hvað ratar í innkaupakörfuna. Undanfarið hafa markaðssetningar farið að hafa áhrif á það sem fer í körfuna: til að mynda hefur tveggja ára dóttir mín viljað fá Gurru Grís rúsínur. Síðan tek ég oft tyggjóið við búðarkassann.
Hvernig er aðgengi þar sem þú býrð að þeim mat eða hráefnum sem þú þarft til að geta farið eftir þínu mataræði?
Ég get alltaf nálgast þann mat sem ég vil borða - þegar að ég vil borða.
Hversu mikinn áhuga hefur þú á mat og matargerð almennt? Er matur mikilvægur í þínu lífi? Hversu miklum tíma eyðir þú í að hugsa um, laga og neyta matar? Finnst þér gaman að prófa nýjar uppskriftir, eða jafnvel finna upp þínar eigin
Mér finnst ekkert sérstaklega gaman að elda. Ég kann að búa til hitt og þetta en kýs þó oftast að hafa matinn frekar einfaldan.
Hvað einkennir góðan mat? (T.d. hvað varðar bragð, lykt, áferð, útlit eða aðra eiginleika).
Góður matar bragðast vel og lyktar ekki illa.
Hvað einkennir gæða matvæli þegar kemur að þínu mataræði? Skiptir t.d. máli hvort varan er fersk eða unnin, með viðbættum efnum eða annað slíkt?
Helst þarf maturinn að vera eins ferskur og kostur er. Ég reyni að gefa dóttur minni góðan og hollan mat og sýni gott fordæmi með því að borða hann sjálfur.
Er eitthvað sem þú saknar sérstaklega mikið úr þínu fyrra mataræði? Hvers vegna?
Nei.
Hversu oft eldarðu mat heima hjá þér? Hvað þarf að vera til staðar í eldhúsinu svo þú getir farið eftir þínu mataræði? (Sérstök áhöld eða tæki, ákveðið mikið pláss eða annað?)
Um það bil þrisvar. Ég þarf yfirleitt pott eða pönnu og eldavél. Gott er að vera með beittan hníf og skurðarbretti.
Ferðu oft út að borða? Hvert þá helst? Er auðvelt eða erfitt að panta mat á veitingastöðum sem hentar þínu mataræði?
Ég fer sjaldan út að borða því dóttir mín er með ýmis fæðuofnæmi. Annars er ekkert mál að panta mat fyrir mig á veitingastöðum.
Hverjar eru helstu hindranir sem þú hefur rekist á í daglegu lífi þegar kemur að mataræði þínu? Hvað myndi gera þér enn auðveldara fyrir að fara eftir þínu mataræði?
Það kemur fyrir að samstarfsfélagarnir mínir koma með rosalega gómsætar kræsingar með morgunkaffinu: oftast læt ég þær vera en þó hef ég látið undan og þurft að finna fyrir því seinna um daginn.
Lýstu heimilisaðstæðum þínum. (Hversu margir búa á heimilinu? Eru börn á heimilinu? O.s.frv.). Fara allir á heimilinu eftir sama mataræði og þú? Ef ekki, hvernig hefur það áhrif?
Við hjónin eigum eina tveggja ára stelpu og eigum von á annari bráðum. Við erum frekar samstíga er varðar mataræði.
Upplifir þú stuðning eða gagnrýni frá fjölskyldu, vinum eða vinnu/skólafélögum varðandi þitt mataræði? Skiptir það þig máli? Geturðu gefið dæmi?
Eldri vinnufélagar mínir setja oftast út á það þegar ég fæ mér próteinsjeik í hádegismatinn. Ég læt það ekki á mig fá.
Skipta matarhefðir þig máli, t.d. við hátíðahöld? Hefur þú þurft að aðlaga hefðir að mataræði þínu? Hvernig þá?
Það skiptir mig voða litlu máli enda var það ekki viðloðandi í minni fjölskyldu. Ég væri til í að fá malt og appelsín yfir hátíðarnar en annars er fæðurútínan mín nokkuð gegnumgangandi út árið.
Hvað með veislur og matarboð? Þarftu að gera sérstakar ráðstafanir því tengt? Hvernig viðhorf hefur þú upplifað frá gestgjöfum eða öðrum gestum? Nefndu endilega dæmi.
Það þarf ekki að gera neinar ráðstafanir varðandi mataræðið mitt. Það er ágætt þar sem að það þarf að gera nóg af ráðstöfunum fyrir ofnæmisstúlkuna mína.
Hefur þú tekið eftir sérstökum viðhorfum eða öðru tengdu mataræði þínu út frá kyni þínu? Ef svo er væri gagnlegt að fá dæmi.
Ég hef verið spurður hvort ég verði vöðvameiri á því að sleppa máltíðum og borða prótein. Ég hef velt því fyrir mér hvort ég fengi þessar spurningar ef ég væri ekki karlmaður.
Hvert sækir þú helst upplýsingar, fróðleik, uppskriftir eða innblástur fyrir þitt mataræði? Endilega settu inn tengla á vefsíður eða samfélagsmiðla ef um slíkt er að ræða.
Ég hef lesið bækur um föstur. Til að mynda Obesity Code - https://www.goodreads.com/en/book/show/24945404
Hvað felst í þínum huga í sjálfbærni í daglegu lífi?
Við erum með nægan fituforða til þess að keyra okkur áfram í lengri tíma. Ég er tiltölulega sjálfbær næstu vikurnar - en ég þyrfti alltaf vatn og steinefni.
Hvað felst í þínum huga í heilsusamlegu mataræði? Hvað/hvernig er hollur matur?
Lítið af kolvetnum og færri máltíðir. Hollur og góður matur lætur mann líða vel.
Finnst þér mikilvægt að fræða aðra um þitt mataræði? Hvers vegna og hvernig?
Hvers vegna ekki? Nefndu endilega dæmi.
Ég hef haldið þessu svolítið fyrir mig. Þó ákvað samstarfsfélagi minn að gera eins og ég og fann fyrir jákvæðum breytingum á lífi sínu.
Sérð þú fyrir þér að halda áfram að fara eftir þessu mataræði um ókomna tíð?
Já.
Er eitthvað sem þú vilt bæta við sem hefur ekki komið fram nú þegar?
Nei.
Hefur þú einhverjar athugasemdir við þessa spurningaskrá?
Nei.
Við hvað starfar þú?
Í grunnskóla.
Hver er menntun þín?
Framhaldsskólamenntun.
Spurningaskrá
Aðfangategund