Bréf, óþ. hlutv. + hlutv.
1952
Varðveitt hjá
Þjóðminjasafn Íslands
Bréf frá Ólympíunefnd Íslands, dagsett 15. febrúar 1952. Í bréfinu er þess óskað að viðtakandi þess aðstoði við sölu á happdrættismiðum sem seldir voru í fjáröflunarskyni vegna þátttöku Íslands í Ólympíuleikunum það sama ár. Prentað er með bláum lit á hvítan pappír. Bréfið er 30 x 21 cm að stærð.
Með bréfinu fylgir happdrættismiði, líklega einn af þeim tuttugu miðum sem sendir voru með bréfinu. Miðinn er númer 64240 og kostaði 5 krónur. Á honum kemur fram að fyrstu tíu vinningarnir eru ferð til Helsingfors. Aðrir vinningar eru gólfteppi, þvottavélar, strauvélar og ryksuga. Verðmæti vinninganna var 105.000.00 krónur á þeim tíma. Á miðanum miðjum er mynd af Ólympíuleikvanginum í Helsingfors (Helsinki) í Finnlandi. Til hliðar er mynd af konu við Empire þvottavél. Prentað er með bláum og rauðum lit á hvítan pappír. Happdrættismiðinn er 14,5 x 9 cm að stærð.
Gefandi er Gunnar Gunnarsson (f. 1946). Bréfið og happdrættismiðinn eru úr dánarbúi foreldra hans, Gunnars Einarssonar (f. 1915, d. 1983) og Jóhönnu Guðmundsdóttur (f. 1922, d. 2008). Óljóst er hvernig munirnir enduðu í fórum þeirra hjóna, en samkvæmt gefanda var faðir hans mikill safnari. Árið 1952 voru Sumarólympíuleikar haldnir í Helsinki, höfuðborg Finnlands. Árangur þeirra tíu íþróttamanna sem héldu út fyrir Íslands hönd var þó ekki upp á marga fiska, þrátt fyrir miklar væntingar landsmanna.
Aðrar upplýsingar
Ártal
1952
Efni
Safnnúmer
Safnnúmer B: 2022-88-2
Stærð
30 x 21 cm
Lengd: 30 Breidd: 21 cm
Aðfangategund
Undirskrár
Undirskrá: Munasafn
Efnisorð / Heiti