Aðrar upplýsingar
Kyn / Fæðingarár heimildarmanns
Kona (Aldur ekki skilgreindur)
Safnnúmer
Safnnúmer B: 2022-1-609
Spurningaskrá / Svör
Lýstu mataræði þínu í daglegu lífi. Taktu fram ef þú skilgreinir mataræði þitt á ákveðinn hátt, og hvað felst í þeirri skilgreiningu.
Ég legg áherslu á að borða hrein matvæli og sem minnst af unninni matvöru. Ég myndi telja að u.þ.b. 90% af því sem ég borða, elda ég frá grunni. Ég borða dýraafurðir, en vel frekar lífrænt ræktað og frá nærframleiðendum. Ég kaupi einungis fisk sem er með vottunum. Innkaup eru yfirleitt skipulögð út frá því hvað vantar á heimilið og síðan er ég dugleg að kaupa matvæli á afslætti vegna dagsetningar til þess að reyna að sporna gegn matarsóun.
Hversu lengi hefur þú aðhyllst þetta mataræði?
Mjög markvisst síðastliðið ár. Að mestu síðustu 6 ár ca.
Hvað varð til þess að þú snerir þér að þessu mataræði? Hverjar eru helstu ástæðurnar að baki ákvörðuninni og hvers vegna heldurðu þig við það?
Ég þoli illa unna matvöru, líkaminn minn bregst illa við þegar ég ,,sukka" og borða drasl. Mér líður líkamlega og andlega mun betur þegar ég borða hreinan mat og ég hef gaman af því að dunda mér við matseld. Með því að leggja áhersla á að sporna gegn matarsóun hef ég sparað töluvert í bæði innkaupum og förgun á mat. Það hentar bæði mínum lífstíl og fjölskyldugerð að elda hreinan mat frá grunni og hefur fjárhagslegan ávinning í för með sér sem er stór plús.
Hvar heyrðirðu fyrst um þetta mataræði? Hvernig átti breytingin sér stað? Skyndilega eða smám saman?
Smám saman hafa matarvenjur heimilisins batnað. Þetta er afrakstur margra ára lestri á fróðleik og fræðslu, auk ,,try and error".
Hafa áherslur þínar eða viðhorf eitthvað breyst síðan þú byrjaðir á þessu mataræði? Geturðu gefið dæmi?
Að sporna gegn matarsóun eru sjónarmið sem hafa aukist jafnt og þétt samhliða því sem að innkaup hafa verið taktískari og hreinni.
Hefurðu upplifað einhverjar breytingar á þér sjálfri/sjálfum/sjálfu í kjölfarið á breyttu mataræði? T.d. breytingar á líðan (líkamlegri eða andlegri), bragðskyni, hegðun, áhugamálum eða félagslífi? Ef svo er, geturðu lýst breytingunum eða gefið dæmi?
Líkamlega og andlega líður mér umtalsvert bebtur þegar ég passa upp á að leggja áherslu og hreint og fjölbreytt matarræði. Sukk og drasl hefur neikvæð áhrif á líkamlega og andlega heilsu, ég verð slöpp í kroppnum og líður illa og finn hvernig ég fæ yfir mig meiri drunga (eins og heilaþoku) þegar ég hef borðað mikið unna matvöru, sykur eða skyndibita.
Ég legg áherslu á að borða hrein matvæli og sem minnst af unninni matvöru. Ég myndi telja að u.þ.b. 90% af því sem ég borða, elda ég frá grunni. Ég borða dýraafurðir, en vel frekar lífrænt ræktað og frá nærframleiðendum. Ég kaupi einungis fisk sem er með vottunum. Innkaup eru yfirleitt skipulögð út frá því hvað vantar á heimilið og síðan er ég dugleg að kaupa matvæli á afslætti vegna dagsetningar til þess að reyna að sporna gegn matarsóun.
Hversu lengi hefur þú aðhyllst þetta mataræði?
Mjög markvisst síðastliðið ár. Að mestu síðustu 6 ár ca.
Hvað varð til þess að þú snerir þér að þessu mataræði? Hverjar eru helstu ástæðurnar að baki ákvörðuninni og hvers vegna heldurðu þig við það?
Ég þoli illa unna matvöru, líkaminn minn bregst illa við þegar ég ,,sukka" og borða drasl. Mér líður líkamlega og andlega mun betur þegar ég borða hreinan mat og ég hef gaman af því að dunda mér við matseld. Með því að leggja áhersla á að sporna gegn matarsóun hef ég sparað töluvert í bæði innkaupum og förgun á mat. Það hentar bæði mínum lífstíl og fjölskyldugerð að elda hreinan mat frá grunni og hefur fjárhagslegan ávinning í för með sér sem er stór plús.
Hvar heyrðirðu fyrst um þetta mataræði? Hvernig átti breytingin sér stað? Skyndilega eða smám saman?
Smám saman hafa matarvenjur heimilisins batnað. Þetta er afrakstur margra ára lestri á fróðleik og fræðslu, auk ,,try and error".
Hafa áherslur þínar eða viðhorf eitthvað breyst síðan þú byrjaðir á þessu mataræði? Geturðu gefið dæmi?
Að sporna gegn matarsóun eru sjónarmið sem hafa aukist jafnt og þétt samhliða því sem að innkaup hafa verið taktískari og hreinni.
Hefurðu upplifað einhverjar breytingar á þér sjálfri/sjálfum/sjálfu í kjölfarið á breyttu mataræði? T.d. breytingar á líðan (líkamlegri eða andlegri), bragðskyni, hegðun, áhugamálum eða félagslífi? Ef svo er, geturðu lýst breytingunum eða gefið dæmi?
Líkamlega og andlega líður mér umtalsvert bebtur þegar ég passa upp á að leggja áherslu og hreint og fjölbreytt matarræði. Sukk og drasl hefur neikvæð áhrif á líkamlega og andlega heilsu, ég verð slöpp í kroppnum og líður illa og finn hvernig ég fæ yfir mig meiri drunga (eins og heilaþoku) þegar ég hef borðað mikið unna matvöru, sykur eða skyndibita.
Spurningaskrá
Aðfangategund