Til baka í leit
Veistu meira?

Minningarljóð, + tilefni

1920
Varðveitt hjá
Þjóðminjasafn Íslands
Skrautskrifað og myndskreytt minningarljóð í ramma, undir gleri. Spjaldið er límt í svartmálaðan tréramma, en er tekið að losna. Upphafsstafir höfundar eru skrifaðir undir ljóðið, SS eða JJ, en óvíst er um hvern ræðir. Í neðra vinstra horni stendur "Reykjavík - 1920" og í hægra neðra horni er skjalið er undirritað af skrautritara þess, Pétri Pálssyni (f. 1877, d. 1938). Myndskreytingin er litrík og eru m.a. myndskreyttar súlur meðfram langhliðum spjaldsins. Innrammaða ljóðið er mjög áþekkt minningarljóði sem finna má í Byggðasafninu í Görðum á Akranesi (2023-199-1), en það er einnig eignað Pétri skrautskrifara. Gefandi er Jónína Leósdóttir (f. 1954) en skjalið létu föðurafi og -amma hennar ramma inn árið 1920. Minningarljóðið var hengt upp á vegg heima hjá þeim hjónum, sjómanninum og fisksalanum Eggerti Brandssyni (f. 1877, d. 1951) og Jónínu Erlendsdóttur (f. 1878, d. 1954) húsmóður, til minningar um ungan son sem þau misstu. Sonur þeirra var Árni Eggertsson (f. 1918, d. 1920). Jónína flutti í seinni tíð á Nesveg, nú Neshaga, og fannst munurinn þar í geymslu árið 2020. Samkvæmt gefanda var á þessum tíma algengt að fá skrautskrifara til að útbúa slík skjöl, til minningar um látna ættingja. Þá er óvíst hvort ljóðið hafi verið samið sérstaklega fyrir foreldra drengsins eða hvort hjónin hafi valið það úr birtum ljóðum.

Aðrar upplýsingar

Ártal
1920
Efni
Tækni
Safnnúmer
Safnnúmer B: 2021-62
Stærð
60 x 44.5 cm Lengd: 60 Breidd: 44.5 cm
Aðfangategund
Undirskrár
Undirskrá: Munasafn
Efnisorð / Heiti