Ferðakoffort
Varðveitt hjá
Borgarsögusafn Reykjavíkur
Stórt og veglegt ferðakoffort, svarbrúnt að lit með styrkingum / hlífum úr járni á hornum og miðju. Á loki þess er áletrun (stensluð) með hvítum lit, nokkuð stórir bókstafir: "IVAR DANIELSSON REYKJAVIK ICELAND". Á annarri hlið þess er einnig hvít áletrun með svipuðum stöfum: "IVAR DANIELSSON NO.0396 DELIVER TO S.ALEXANDER & CO 154 MAIDEN LANE NEW YORK CITY". Fleiri áletranir eru svo á miðum á öðrum stöðum á koffortinu. Læsing fyrir miðju er nokkuð vönduð, með lykli. Smellulæsingar eru sitthvoru megin við hana. Að innan er koffortið útbúið með fimm útdraganlegum skúffum í lokinu og í hinum hlutanum er einhverskonar samanbrjótanlegt og útdraganlegt fatahengi, með herðatrjám og öðru til geymslu á fatnaði. Koffortið er allt hið vandaðasta að gerð en er orðið nokkuð slitið og snjáð.
Koffortið er merkt miða með eftirfarandi áprentuðum texta: "Úr búi Halldórs Daníelssonar, bæjarfógeta og síðar hæstaréttardómara (1855-1923) og konu hans Önnu Marie Leopoldine Halldórsdóttur Daníelsson (1856-1940). Gjöf til Árbæjarsafns til minningar um Önnu Eiríkss., talsímakonu (1916-1990) frá bróður hennar Ívari Daníelssyni, lyfsala.".
Aðrar upplýsingar
Ívar Daníelsson, Notandi
Safnnúmer
Safnnúmer B: 2023-54-1
Stærð
57 x 110 x 60 cm
Lengd: 57 Breidd: 110 Hæð: 60 cm
Aðfangategund
Efnisorð / Heiti