Fermingarkjóll
1944
Varðveitt hjá
Þjóðminjasafn Íslands
Fíngerður og gegnsær kjóll úr hvítu blúnduefni með endurteknu blómamynstri. Hnapparöð skreytir bakhlið kjólsins og nær hún frá hálsmáli niður að mitti. Hægt er að reyra kjólinn saman í mittinu með tveimur blúnduborðum sem áfastir eru í sitt hvorri hlið mittisins. Fjórar smellur eru við aðra hlið mittisins, sem blúnduborðinn felur þegar hann hefur verið bundinn saman. Hvítsaumaðir axlapúðar eru í kjólnum. Sídd kjólsins, mæld frá öxlum, er 140 cm. Mittismál er 33 cm og ermalengd, mæld frá handarkrika er 29 cm.
Kjólnum klæddist Ragnheiður Árnadóttir (f. 1930, d. 2016) er hún var fermd árið 1944. Blúndukjóllinn var hafður utan yfir öðrum kjól sem nú er týndur. Saumakona er ókunn. Mögulega var kjólinn keyptur í Vöruhúsinu sem var til húsa á neðri hæð Hótel Íslands á horni Austurstrætis og Aðalstætis, en Árni Árnason kaupmaður (f. 1898, d. 1966), eigandi og forstjóri Vöruhússins var faðir Ragnheiðar. Gefendur eru Guðrún Olga Einarsdóttir (f. 1955) og Ragnheiður S. Einarsdóttir (f. 1961), dætur Ragnheiðar.
Aðrar upplýsingar
Ártal
1944
Safnnúmer
Safnnúmer B: 2022-81-1
Stærð
0 x 0 x 140 cm
Hæð: 140 cm
Aðfangategund
Undirskrár
Undirskrá: Munasafn
Efnisorð / Heiti