Tætari
1950 - 1970
Varðveitt hjá
Landbúnaðarsafn Íslands
Jarðtætari af gerðinni Howard Rotavator, breskur. Vinsæl jarðvinnslutæki laust fyrir um 1960 . Með tækinu sem sett var aftan í stærri dráttarélar var hægt að fullvinna tún og sáðbeð. Jóhannes Ellertsson fyrrv. starfsmaður safnsins gerði gripinn upp árið 2009.
Aðrar upplýsingar
Ártal
1950 - 1970
Efni
Safnnúmer
Safnnúmer B: 2007-5-1
Staður
Staður: Brekka, 311-Borgarnesi, Borgarbyggð
Sýningartexti
Jarðtætari
Laust fyrir 1960 tóku jarðtætarar að öðlast miklar vinsældir sem jarðvinnslutæki hérlendis. Bar líklega einkum tvennt til:
Annars vegar hentuðu tætararnir vel þeim stærri og betur búnu dráttarvélum sem þá voru að koma. Hins vegar féllu margir fyrir vinnugæðum þeirra og þeim fallega sáðbeð sem til varð við fullvinnslu túna með jarðtætara.
Jarðtætari var svo sem ekki nýr í íslenskri jarðrækt. Þúfnabaninn, brautryðjandi vélvæddrar túnræktar hérlendis, var risastór jarðtætari.
Segja má að jarðtætarinn hafi um hríð skyggt á plóg og herfi í túnræktinni.
Rannsóknir og reynsla sýndu er frá leið að beita varð jarðtætara af mikilli varúð í vissum gerðum íslensks jarðvegs, ætti bygging hans ekki að spillast og ræktun að mistakast.
Eftir kalárin fyrir og um 1970 dró úr vinsældum jarðtætarans en sól annarra jarðvinnslutækja, einkum plógsins, tók að rísa á ný.
Þessi jarðtætari, sem kemur frá Brekku í Norðurárdal, er breskur, af gerðinni The Howard ROTAVATOR, en hún varð vinsæl hérlendis.
Aðfangategund
Undirskrár
Undirskrá: Almenn munaskrá
Upprunastaður
64°46'50.6"N 21°31'7.6"W