Til baka í leit
Veistu meira?

Traktor, dráttarvél

1947 - 1949
Varðveitt hjá
Landbúnaðarsafn Íslands
Fyrsta Zetor dráttarvélin sem kom til landsins og var auglýst undir nafninu dragþóra. Vélin er af árgerðinni 1948 og gerði safnið hana upp á árunum 2007-2008. Erlendur Sigurðsson stýrði því verki. Vélin kom upprunalega frá Bjargshóli þar sem Jónatan Daníelsson keypti vélina og síðar var hún notuð af Daníel Daníelssyni á Tannsstöðum. Árið 1981 "bjargar" Gunnlaugur Guðmundsson á Mýrum í sömu sveit vélinni frá eyðileggingu samkvæmt Daníel. Á hún að hafa komið með sláttuvél sem reyndist illa og skemmdist strax. Dráttarvélin var hins vegar notuð töluvert um alla sveit fyrir norðan um árabil. 

Aðrar upplýsingar

Ártal
1947 - 1949
Efni
Safnnúmer
Safnnúmer A: 1155 Safnnúmer B: 1997-3-1
Staður
Staður: Bjargshóll, 531-Hvammstanga, Húnaþing vestra
Sýningartexti
Zetor 25 1948 Hér stendur fyrsta Zetor-dráttarvélin sem kom til Íslands. Þetta er líka fyrsta dísel-hjóladráttarvélin sem landsmenn eignuðust! Zetorinn kom að Bjargshóli í V-Hún. Þaðan barst hann að Mýrum í sömu sýslu. Þaðan var hann gefinn Lb. Safni sem gerði hann upp, aðallega á árunum 2007-2008. Zetor-dráttarvélin var smíðuð í þekktum tékkneskum vélaverksmiðjum sem mikið afhroð guldu í seinni heimsstyrkjöldinni. Undrafljótt eftir styrjaldarlokin stóð fyrsti Zetorinn fullbúinn til þess að hefja vinnslu kornakra og annars ræktunarlands sem svo sárlega skorti mat og fólk til starfa eftir hörmungar heimsstyrjaldarinnar. 
Aðfangategund
Undirskrár
Undirskrá: Almenn munaskrá
Efnisorð / Heiti
Heimildir
Upplýsingar úr Árbók Landbúnaðarsafnsins eftir fengnum upplýsingum frá fyrrum eigendum.  Bjarni Guðmundsson. "Zetor vanmetinn vinnuþjarkur." Bændablaðið. 7. október 2008, 18. 

Upprunastaður

65°14'42.2"N 20°49'12.0"W