Nóalok, asklok

1816

Varðveitt hjá

Nóalok með viðföstum eyrastaf. Þetta er frá þeirri askgerð sem nefndist Nói og var alfarið ætluð börnum. Skógasafn átti ekkert sýnishorn fyrir. Lokið er 11 cm í þvermál og eyrastafurinn 10,3 cm á hæð. Lokið er að ofan allt útskorið með bandfléttu. Ártal 1816. Það er hið elsta á aski í Skógasafni. Nóinn er úr búi Sigurðar Sveinssonar á Rauðafelli og Jakobínu Skæringsdóttur. Hann komst heill í eigu Sigurðar S. Hálfdánarsonar og hann telur að stafir og botn séu enn til hjá honum í geymslu. Eftir því er beðið en beint liggur fyrir að gera nóann upp. Sigurður Sveinsson og Jakobína voru langafi og langamma gefanda.