Brennivínshorn

1810

Varðveitt hjá

Brennivínshorn, útskorið og látúnsbúið. Það er skorið af Símoni Davíðssyni mállausa (1787-1861) um 1810, látúnsbúið af Jóni Þorsteinssyni á Vindási í Landsveit um 1850, með stétt og stút. Útskuðurinn er máður ofantil á horninu og vitnar um löng not. Hornið er um 24 cm. á lengd, þvermál við botn 6,5 sm., litur ljós. Það er vafalaust af íslenskum nautgrip. Á því er fínlegt jurtaskreyti, stílhreint, skorið af öryggi. Annað horn skorið af Símoni er áreiðanlega á Byggðasafninu á Reykjum í Hrútafirði. Skyldur skurður en grófari er á hornum Skógasafns. Hornið átti um 1830 Jón bóndi í Selsundi á Rangárvöllum, faðir Hannesar, föður Árna í Hrólfsstaðahelli, föður gefenda, Sigurþórs, Odds, Sigurbjargar og Hannesar á Brekkum.