Til baka í leit
Veistu meira?

Kistill, + hlutv.

1799 - 1834
Varðveitt hjá
Minjasafnið á Akureyri
 Kistill með púltlagi úr furu, svart-grænt að lit með rauðum listum.  Stærð: lengd 31, breidd 17, hæð á framhlið 10, hæð á afturhlið 22 sm, lok: 21 x 31 sm. Innan í kistlinum er handraði með hefilstrikum. Lokið er  með listum í kring og eru þeir málaðir svargrænir og rauðir. Á miðju er gegnumskorin og máluð plata í rauðum, grænum, brúnum og bláum litum og í henni miðri stafirnir J.B.D.Á og rósaverk í kring. Til beggja enda eru útskornir herramenn í lafafrökkum með hnöppum, berhöfðaðir og í stígvélum. Kringum plötuna eru 9 eirþinnur með skástrikum til skrauts, þá 10. vantar. Kistillinn er geirnegldur og trénegldur. Kistill þessi er sagður smíðaður málaður og skorinn af Gunnlaugi sýslumanni er fyrstur tók sér ættarnafnið Briem, en hann var faðir Ólafs timburmeistara á Grund í Eyjafirði. Ath. 2.júní 1996. Ofan í kistlinum var bréf frá Ingimundi sem hefur komið með kistlinum. Þar segir: Þennan kistil gaf mér Halldóra Jónsdóttir 18/3 1937 og sagði hún hann yfir 200 ára og kominn frá Lofti ríka á Möðruvöllum. Hefur hann gengið í ættinni til þeirra sem fangamark hafa haft I.B. Það sem ég veit lengst, er langalangaamma mín átti hann, og hún er fædd 1789.

Aðrar upplýsingar

Ártal
1799 - 1834
Efni
Safnnúmer
Safnnúmer A: 613
Stærð
31 x 17 x 22 cm Lengd: 31 Breidd: 17 Hæð: 22 cm
Staður
Núverandi sveitarfélag: Akureyrarbær, Akureyrarbær
Aðfangategund
Undirskrár
Undirskrá: Munaskrá - MSA
Efnisorð / Heiti