Söðuláklæði
1838
Varðveitt hjá
Þjóðminjasafn Íslands
Glitofið söðuláklæði með nokkurn veginn spegluðu blómamynstri (eins og algengt var), í rauðum, grænum, ljósdröppuðum, ljósbrúnum og bláum litum. Á öðrum helmingi klæðisins eru að auki tveir fuglar. Fyrir miðju klæði eru stafirnir KÞDA og ártalið 1838. Stafirnir eru upphafsstafir eigandans, KÞD, og A stendur fyrir á. Þ.e. Katrín Þórðardóttir á [klæðið]. Skammhliðar klæðisins eru bryddar rauðu flaueli sem er orðið nokkuð snjáð. Sjálft söðuláklæðið er 173 cm langt og 112 cm breitt en við hvora langhlið hefur verið saumaður svartur klæðisrenningur og heildarbreidd gripsins er því eilítið meiri. Þessir klæðisrenningar voru áður bólaðir við viðarlista sem notaðir voru til að hengja klæðið á vegg, til skrauts. Þessir listar hafa nú verið fjarlægðir. Klæðið er orðið eilítið slitið, og er rifið á stöku stað, en á bakhlið má sjá að mynsturlitirnir hafa haldið sér nokkuð vel. Klæðið hefur verið bætt á þremur stöðum á bakhliðinni. Það eru misgamlar viðgerðir.
Katrín Þórðardóttir bjó lengi í Vestmannaeyjum, í Juliushaab (sem var annað nafn á Tangaverzlun). Katrín var bústýra Þórarins Þórarinssonar, bónda á Hlíðarenda í Fljótshlíð, síðar í Neðri-Dal undir V-Eyjafjöllum. Árið 1869 fluttist Katrín, ásamt dóttur sinni og Þórarins, Ragnhildi, og hennar manni, Gísla Engilbertssyni, til Vestmannaeyja og bjó eftir það í Juliushaab, allt til dánardags árið 1899.
Aðrar upplýsingar
Ártal
1838
Safnnúmer
Safnnúmer B: 2022-86-3
Stærð
173 x 112 cm
Lengd: 173 Breidd: 112 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Söðuláklæði