Nálapúði
1843
Varðveitt hjá
Þjóðminjasafn Íslands
Hjartalaga nálapúði, útsaumaður á báðum hliðum og bryddur við barma með ljósu flaueli. Á annarri hliðinni er púðinn klæddur grænleitu efni og útsaumaður blómaskreytingum og upphafsstöfum: K.Þ.D. Það er fangamark Katrínar Þórðardóttur (f. 1806, d. 1899) sem átti nálapúðann. Á hinni hliðinni er hann klæddur dökku flaueli, sem nú er orðið snjáð. Í þá hlið eru baldýruð blóm, marglituð, og ísaumað ártalið 1843. Púðinn er orðinn nokkuð upplitaður en annars er þetta góður og vel gerður gripur, í nokkuð góðu ástandi.
Katrín Þórðardóttir bjó lengi í Vestmannaeyjum, í Juliushaab (sem var annað nafn á Tangaverzlun). Katrín var bústýra Þórarins Þórarinssonar, bónda á Hlíðarenda í Fljótshlíð, síðar í Neðri-Dal undir V-Eyjafjöllum. Árið 1869 fluttist Katrín, ásamt dóttur sinni og Þórarins, Ragnhildi, og hennar manni, Gísla Engilbertssyni, til Vestmannaeyja og bjó eftir það í Juliushaab, allt til dánardags árið 1899.
Aðrar upplýsingar
Ártal
1843
Safnnúmer
Safnnúmer B: 2022-86-2
Stærð
9.6 x 10.1 x 3.5 cm
Lengd: 9.6 Breidd: 10.1 Hæð: 3.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Nálapúði