Prjónastokkur
1835
Varðveitt hjá
Þjóðminjasafn Íslands
Prjónastokkur, fagurlega útskorinn höfðaletri allan hringinn. Endar stokksins eru bogadregnir. Stokkurinn er með renniloki, tvískiptu, og í það skornar 7 rákir til skrauts, eftir endilöngu loki. Stokkurinn er merktur eigandanum með latínuletri (hástöfum) á annarri hliðinni: KATRIN ÞORDARDOTTIR. Á hinni hliðinni er ártalið 1835, skorið með rómverskum tölum: MDCCCXXXV. Höfðaletursáletrunin er vísa:
vildiegsprundumverahiaogvistþeimþionagetþoeiannadgullhladsgnaenn
geimtvelpriona
Þ.e.:
Vildi ég sprundum vera hjá
og víst þeim þjóna,
get þó ei annað gullhlaðsgná
en geymt vel prjóna.
Í prjónastokknum er nokkur fjöldi prjóna, missverum. Alls eru þeir 36, þar af 24 úr málmi. Þá eru þar að auki þrjár heklunálar. Ekki er vitað hvað af þessum prjónum og nálum eru úr eigu Katrínar Þórðardóttur en ljóst er að einhver þeirra eru yngri en frá hennar tíð.
Stokkurinn er í mjög góðu ástandi.
Katrín Þórðardóttir bjó lengi í Vestmannaeyjum, í Juliushaab (sem var annað nafn á Tangaverzlun). Katrín var bústýra Þórarins Þórarinssonar, bónda á Hlíðarenda í Fljótshlíð, síðar í Neðri-Dal undir V-Eyjafjöllum. Árið 1869 fluttist Katrín, ásamt dóttur sinni og Þórarins, Ragnhildi, og hennar manni, Gísla Engilbertssyni, til Vestmannaeyja og bjó eftir það í Juliushaab, allt til dánardags árið 1899.
Aðrar upplýsingar
Ártal
1835
Efni
Safnnúmer
Safnnúmer B: 2022-86-1
Stærð
30 x 4.2 x 4.3 cm
Lengd: 30 Breidd: 4.2 Hæð: 4.3 cm
Aðfangategund
Undirskrár
Undirskrá: Munasafn
Efnisorð / Heiti