Prestkragapressuklossi

Varðveitt hjá

Hér fer á eftir orðrétt lýsing frú Sigríðar Þorsteinsdóttur: "Áhöld til strekkingar á prestakrögum. Hlutirnir eru. Einn pressuklossi úr tré, sex eldtengur, eitt stálhylki fyrir teinana (samanber straujárn) ein lítil stáltöng. Kragalíningin er (skrúfuð) skorðuð á milli klossans og hettunnar á skrúfuleggnum. Teinarnir glóðhitaðir í eldi, teknir með eldtöng og látnir í stálhylkið, samanber eldtengur í straujárn. Litla stáltöngin var notuð með vinstri hendi til að opna kragapípurnar, svo hægt væri að komast að, að strekkja með heitu hylkinu, sem haldið er á í hægri hendi. Áhöld þessi keypti ég um 1920 af faktorsfrú Magðalenu M. Sæmundssen, nánar tilgreint móðir frú Sigríðar Davíðsson hér á Akureyri. Ég notaði þessi áhöld um tíu ára skeið, eða þar til tækniþróunin kom með rafmagninu og um leið miklu fullkomnarri áhöld til þeirra starfa, sem að framan greinir. Nú eru þessir hlutir, er ég sendi frá mér, komnir til ára sinna og mjög fornfálegir, veit ekki hve gamlir þeir eru get nærri, þeir sem nær eitthundrað ára.Er ég hætti að nota þá datt mér í hug að ekki væri rétt að eyðileggja svo gamla muni og þó nokkuð sérstæða, en heldur geyma þá og við tækifæri gefa einhverju byggðasafni. Og nú er stofnað hefur verið byggðasafn hér á Akureyri óska ég þess að það vilji þyggja þessa fornfálegu hluti, sem gjöf frá mér". Í október 1962 Virðingarfyllst Sigríður Þorsteinsdóttir Eyrarveg 13 Akureyri