Fermingarkyrtill
Varðveitt hjá
Minjasafnið á Akureyri
Treyja og sítt
pils úr hvítu efni með breiðum og mjóum silkiröndum. Á treyjunni
eru blúndur framan á ermum og í hálsmáli. Þessi kyrtill var í eigu móður
gefandans Önnu Haraldsdóttur frá Einarsstöðum í Reykjadal en hún
var fædd 1886. Í þessum kyrtli voru
stúlkur fermdar í hvert einasta vor og sennilega fram til 1927-28. Höfuðbúnaðurinn
sem fylgja átti kyrtlinum átti Anna ekki en hann var aldrei notaður nema
skautfaldur væri hafður á höfði en það var krókur, blæja og spöng. Gefandi
lætur krók fylgja kyrtlinum en hann er mikið eldri en sjálfur kyrtillinn.
Krókurinn er með réttu lagi svo að eftir honum mætti sauma. Þessi búningur
er sniðinn eftir hugmyndum Sigurðar Guðmundssonar málara sjá Elsa E. Guðjónsson:
Íslenskir þjóðbúningar kvenna (1969); 59-60.
Aðrar upplýsingar
Safnnúmer
Safnnúmer A: 4426
Staður
Núverandi sveitarfélag: Akureyrarbær, Akureyrarbær
Aðfangategund
Undirskrár
Undirskrá: Munaskrá - MSA
Efnisorð / Heiti
Efnisorð: Fermingarkyrtill
Heimildir
Bréf dags. 23.04.1978