Panta mynd Notkunarskilmálar

LI FF-10 Burðatalstöð

1964

Varðveitt hjá

Byggðasafnið Skógum

Talstöð, tegund: FF-10, gerð: AM 10 w. burðastöð fyrir björgunarsveitir, framleiðandi: Landsíminn. Tíðnisvið: 2790 – 2912 kHz, stærð: B 27 - H 12 - D 27 sm. Efni: álundirstaða ásamt kassa og ljósri framhlið. Burðartalstöðin FF-10 er íslensk hönnun frá árunum 1962-63. Upphaflega smíðuð sem neyðartalstöð fyrir slysavarnaskýli á afskekktum stöðum en endurhönnuð fyrir björgunarsveitir með tíðnunum 2790 og 2912 kHz. Stöðin er alfarið með Transistora bæði í sendi og viðtæki. Stöðin er framhald af FF-5 bílstöðinni sem er svipuð en með sendilampa en þessar FF-10 eru alfarið með Transistorum. Sendistyrkur hennar er 10 wött. 12 volta rafgeymir var við stöðina. Upphafleg hugmynd vaknaði við smíði þessarar stöðvar þegar verið var að prófa á fjarskiptaæfingu 1962 svipaða stöð sem smíðuð hafði verið löngu áður til að nota við bjargsig, en var með lömpum og hönnuð á gamla mátann. Þar sem FF-5 stöðin var fullhönnuð 1960 og reyndist vel þurfti aðeins að útfæra sendinn á annan hátt. Vilhjálmur Þ Kjartanson (nú verkfræðingur) var þá í námi en vann á smíðadeild Landsímans á sumrin, kom að hönnun sendihluta stöðvarinnar. Meðlimir Flugbjörgunarsveitarinnar í Reykjavík, þar fremstur í flokki Gunnar Jóhannesson rafeindavirki komu að prófunum og einhverju leiti að hönnun hennar sem ferðatalstöð. Stöðinni var síðan komið fyrir á burðargrind sem spennt var á bakið eins og bakpoki. Smíðaðar voru 10 stöðvar í allt. FBSR fékk fjórar af þeim. Hinar dreyfðust á aðrar björgunarsveitir. Þetta var algjör bylting á þeim tíma fyrir björgunarsveitirnar.Fleiri voru smíðaðar sem neyðarstöðvar í björgunarskýli víða meðfram ströndum landsins. Ekki er vitað hversu margar. Notkun þeirra var hætt þegar fjarskipti millibylgjustöðvar breyttist yfir á SSB mótun árið1982. Nú er ein þessara stöðva á Skógasafni, á gínu sem klædd er í fatnað björgunarsveitamanns frá þessum árum, staðsett fyrir framan Fjarskipta og stjórnstöðvabíl Flugbjörgunarsveitarinnar frá þessum árum. Samantekt heimildar: Sigurður Harðarson rafeindavirki