Yaesu FT-180A Talstöð SSB
1984
Varðveitt hjá
Byggðasafnið Skógum
Talstöð, tegund YAESU FT-180A, framleiðsluland Japan, tíðnisvið 1,6 -18 mHz, stærð 24x35x9,5 sm.
Gefandi: Sigurður Harðarson rafeindavirki
Þessi gerð kom fyrst á markað á Íslandi 1984 og var eingöngu notuð með SSB mótun (USB). Stöðin var í Bifreiðinni R-2245 Dodge Weapon árgerð 1953. Kallmerkið var Ragnar 2245. Stöðin var eingöngu notuð sem SSB. Stöðin er fyrir 12 v Dc og dregur um 20 Amp. við fulla mótun. Sendirinn er 100w og viðtakan allt niður í 1.0µV. Stöðin er í Ál kassa með dökkgráum ramma að framan og lokin máluð í gráum lit.„YAESU FT-180A“ var vinsælust allra tegunda SSB talstöðva á landinu. Fjöldi SSB stöðva varð mestur 1135 stöðvar í umferð árið 1987. Þar af voru YAESU FT-180 stöðvar 960. Fimm aðrar tegundir skiptu á milli sín hinum 175 skráðu notendunum. Radioþjónusta Sigga Harðar í Kópavogi var með umboðið fyrir YEASU. Þar voru einnig smíðuð loftnet fyrir stöðvarnar sem reyndust afar vel og mun betur en eldri gerðir loftneta. Þegar á leið voru flestir aðrir farnir að nota þessi loftnet fyrir hinar tegundirnar. Eftir að NMT farsímakerfið kom til sögunnar 1986 fór þessum talstöðvum á 2790 kHz fækkandi. Árið 2000 var fjöldinn kominn niður í 811 stöðvar í umferð. Gufunesradio byrjaði sólahringsafgreiðslu 21. feb. 1961 en hætti alveg hlustvörslu á bílabylgjunni 2790 kHz á miðnætti 15.júní 2001, enda samskipti við bíla orðin mjög lítil þar sem NMT farsímarnir voru orðnir mjög algengir.
Aðrar upplýsingar
Titill
Sérheiti: Yaesu FT-180A Talstöð SSB
Ártal
1984
Efni
Safnnúmer
Safnnúmer A: SHR-84
Stærð
24 x 35 x 9.5 cm
4.7 g
Lengd: 24 Breidd: 35 Hæð: 9.5 cm
Aðfangategund
Undirskrár
Undirskrá: Samgöngusafnið
Undirskrá: Fjarskiptasafn Sigurðar Harðarsonar
Efnisorð / Heiti