Motorola VHF model 1956
1966
Varðveitt hjá
Byggðasafnið Skógum
Talstöð, tegund: Motorola model 1966 10 watta VHF talstöð, framleiðsluland: USA, tíðnisvið: 160-174 mHz. Stærð bílstöðvar: B 28 X H 12 X D34 sm. Stærð Móðurstöðvar: B 40 X H 23 X D31 sm. Efni: Álundirstaða ásamt kassa og grárri framhlið. Gefandi: Bjarni S. Jónasson rafvirkjameistari í Reykjavík.
Bjarni S. Jónasson rafvirkjameistari í Reykjavík var fyrsti einstaklingurinn á Íslandi sem fékk úthlutað einkarás í VHF-tíðnisviðinu til notkunar í eigin talstöðvakerfi. Leyfisbréf hans er dagsett 9. mars 1966, en fram að því voru aðeins opinberir aðilar með VHF talstöðvar. Hann var jafnframt fyrsta einkafyrirtæki á Norðurlöndum til að fjarskiptavæða eigin atvinnurekstur á þessu tíðnisviði.
Móðurstöð var sett upp á heimili Bjarna þar sem eiginkona hans tók á móti skilaboðum í síma og á ákveðnum tíma dagsins hafði Bjarni samband í talstöðinni til að taka á móti pöntunum frá henni. Aðstoðarmaður hans var einnig með talstöð í sínum bíl því þeir sinntu verkefnum víða í borginni og nágrenni. Þessi tæki eru nú í sýningasal Skógasafns.
Myndirnar eru af tækjunum, Bjarna að tala við Jónas, ungan son sinn, leyfisbréfi fyrir rekstri stöðvanna og frétt í Morgunblaðinu frá þeim tíma. Einnig er mynd af Bjarna að tala í nýja talstöð um það leiti sem hann hætti störfum vegna aldurs.
Jónas, sonur Bjarna er hagfræðingur að mennt og radíóamatör með kallmerkið TF3JB. Hann hefur verið með afkastameiri radíóáhugamönnum landsins frá árinu 1974 og er nú (2023) formaður félagsins Íslenskir radíóamatörar (ÍRA). Önnur mynd er af honum sitjandi við morslykil þegar fjarskiptadeild safnsins í Skógum var afhent af Sigurði Harðarsyni rafeindavirkja þ. 9. júní 2009. "Snemma beygist krókurinn" segir máltækið.
Samantekt heimilda: Sigurður Harðarson rafeindavirki.
Aðrar upplýsingar
Titill
Sérheiti: Motorola VHF model 1956
Ártal
1966
Efni
Safnnúmer
Safnnúmer A: SHR-27
Stærð
34 x 28 x 12 cm
4.5 kg
Lengd: 34 Breidd: 28 Hæð: 12 cm
Staður
Staður: Hörgshlíð 24, 105-Reykjavík, Reykjavíkurborg
Aðfangategund
Undirskrár
Undirskrá: Samgöngusafnið
Undirskrá: Fjarskiptasafn Sigurðar Harðarsonar
Efnisorð / Heiti
Efnisorð: Talstöð
Upprunastaður
64°7'49.0"N 21°54'32.9"W