Bimini 550 Breytt útlit

1967
Varðveitt hjá
Byggðasafnið Skógum
Talstöð, tegund: Bimini 550 breytt AM talstöð. Stöðin var í R 24585 Ford 250 model 1970, sérútbúnum bíl fyrir hitamælingar í borholum. Gefandi, Sigurður Harðarson rafeindavirki vann á þessum bíl í sjö ár og breytti þessari stöð í 80 watta  sendistyrk og bætti við RF magnara í viðtækið, þannig að næmleikinn varð 0,5 µV. Í stað loftnetsfínstillingar var settur viðtökumælir. Sérsmíðaður loftnetsstillir í sérkassa kom í stað fínstillispólunnar. Einnig var stillanlega viðtækinu breytt fyrir Langbylgju.  Þessi Bimini 550 er 4 rása með kristalstýrðum sendi og viðtæki. Viðtækið er með einum lampa í inngang sem er um leið Osc ásamt þessari viðbót með transistormagnara fyrir framan. Að öðru leiti er viðtækið transistorar. Sendirinn eru tveir  lampar. Stöðin er 12 v Dc,  Sami hljóðútgangur er fyrir hátalara og mótun hljóðs inn á sendinn. Þetta er styrkmótuð sending (Amplitude  modulation). Sendiaflið var upphaflega  29w en eftir breytingu 80w. Til þess varð að endurhanna Dc Conventerin sem framleiddi háspennuna fyrir sendilampann. Rofinn á framhliðinni til að slökkva á glóð sendilampans var fjarlægður. Þrjár aðrar stillingar eru á framhliðinni. Styrkstilli með rofa, Bylgjuskiptari og fínstilli fyrir Langbylgjuna. Ljósapera er einnig í grilli hátalarans sem sýndi sendistyrk. Eftir því sem ljósið varð bjartara með fínstillingu loftnetsspólunnar var sending betri. Talstöðin kom upphaflega með heyrnatóli en því var skipt út fyrir léttan hljóðnema. Framleiðandi stöðvanna hét Pearce-Simpson. Inc. á Miami, Florida. Framleiðslan hófst 1967 og á sama ári voru þessar stöðvar fluttar til Íslands af fyrirtækinu Hitatækni sem þá var staðsett í Skipholti 70 í Reykjavík. Heimildir: Sigurður Harðarson Rafeindavirki.

Aðrar upplýsingar

Pearce/Simpson, Hlutinn gerði
Gefandi:
Sigurður Harðarson
Titill
Sérheiti: Bimini 550 Breytt útlit
Ártal
1967
Safnnúmer
Safnnúmer A: SHR-26
Stærð
25 x 22 x 9 cm 5.5 kg Lengd: 25 Breidd: 22 Hæð: 9 cm
Aðfangategund
Undirskrár
Undirskrá: Samgöngusafnið Undirskrá: Fjarskiptasafn Sigurðar Harðarsonar
Efnisorð / Heiti
Efnisorð: Talstöð