Bimini 50
1966
Varðveitt hjá
Byggðasafnið Skógum
Talstöð Bimini 50. Stöðin var í bifreiðinn R-355, kallmerki Ragnar 355. Stöðina átti upphaflega Sláturfélag Suðurlands Skúlagötu 20 Reykjavík eða frá 1965 til 1976.
Eini munurinn frá Bimini 40 var að háspenna sendilampans var 460 volt í stað 440 volt. Bimini 40 sendi út 23 wött en Bimini 50 sendi 29 wött út í loftnet. Bimini stöðvarnar höfðu það fram yfir aðrar stöðvar að framan á þeim var hnappur til að fínstilla loftnetsspóluna inni í stöðinni. Þetta gerði það að verkum að í flestum tilfellum náðist að fínstilla loftnetið við flestar aðstæður og reyndist því stöðin afar vel. Ljósapera er einnig í grilli hátalarans sem sýndi sendistyrk. Eftir því sem ljósið varð bjartara með fínstillingu loftnetsspólunnar var sending betri. Talstöðvarnar komu með heyrnatóli sem er með hátalara, sendirofa og hljóðnema. Algengt var að skipta því út fyrir léttan hljóðnema.
Einn lampi var í viðtæki Bimini, en aðrir hlutar þess með Transistorum. Því var straumnotkun lítil miðað við eldri talstöðva. Í sendinum voru tveir lampar, sveifluvaki og sendilampi. Rofi var framan á stöðinni til að slökkva á glóðarspennu sendilampanna. Þar af leiðandi notaði stöðin mun minni straum frá rafgeymi bílsins. Straumnotkun var aðeins 450 amps í þeirri stöðu. Með glóð sendilampana á notaði stöðin 1,2 amps. Sparnaður var því meiri en helmingur, eða 750 mA minni straumnotkun ef eingöngu var verið að hlusta. Sendirinn tók 12 amps við fullt álag.
Framleiðandi stöðvanna hét Pearce-Simpson. Inc. á Miami, Florida. Framleiðslan hófst 1967 og á sama ári voru þessar stöðvar fluttar til Íslands af fyrirtækinu Hitatækni sem þá var staðsett í Skipholti 70 í Reykjavík. Eigandinn var Ásgeir Sigurðsson. Stöðin var mjög ódýr miðað við aðrar sem voru að koma á markaðinn á sama tíma.
Aðrar upplýsingar
Titill
Sérheiti: Bimini 50
Ártal
1966
Efni
Safnnúmer
Safnnúmer A: SHR-24
Stærð
24 x 21 x 8 cm
5.5 g
Lengd: 24 Breidd: 21 Hæð: 8 cm
Aðfangategund
Undirskrár
Undirskrá: Samgöngusafnið
Undirskrá: Fjarskiptasafn Sigurðar Harðarsonar
Efnisorð / Heiti
Efnisorð: Talstöð