Panta mynd Notkunarskilmálar

Bimini 40

1965

Varðveitt hjá

Byggðasafnið Skógum

Talstöð, Bimini 40, gerð: 23w AM talstöð. Framleiðsluland: USA, tíðnisvið: 2 – 3 mHz, stærð B 22 X H 9 X D25 sm. Efni: Álundirstaða með grænum plastlokum og grárri framhlið. Stöðin átti upphaflega Orkustofnun, Jarðvarmadeild frá 1971 til 1981. Stöðin var í Land Rover jeppa R-13036, kallmerki Ragnar 13036. Bimini stöðin varð fljótlega vinsæl hjá einstaklingum með jeppa eða aðra fjallabíla. Stöðin var ekki með mikla sendiorku, 23 wött náðust út í loftnet. Innfluttar stöðvar á þessum árum voru allar mun fyrirferðameiri. Það komu örfá eintök af Bimini 40 því önnur tók við, Bimini 50. Bimini 40 er 4 rása með kristalstýrðum sendi og viðtæki. Viðtækið er með einum lampa í inngang sem er um leið Osc. Að öðru leiti er viðtækið transistorar. Sendirinn eru tveir lampar. Stöðin er 12 v Dc, Sami hljóðútgangur er fyrir hátalara og mótun hljóðs inn á sendinn. Þetta er styrkmótuð sending (Amplitude modulation). Sendiaflið er 23W. Rofi er á framhlið til að slökkva á glóð sendilampana ef spara þurfti rafmagn. Þrjár aðrar stillingar eru á framhliðinni. Styrkstilli með rofa, Bylgjuskiptari og fínstilli innbyggðar loftnetsspólu. Ljósapera er einnig í grilli hátalarans sem sýndi sendistyrk. Eftir því sem ljósið varð bjartara með fínstillingu loftnetsspólunnar var sending betri. Talstöðvarnar komu með heyrnatóli sem er með hátalara, sendirofa og hljóðnema. Algengt var að skipta því út fyrir léttan hljóðnema. Framleiðandi stöðvanna hét Pearc Simpson. Inc. á Maiami, Florida. Framleiðslan hófst 1965 og á sama ári voru þessar stöðvar fluttar til Íslands af fyrirtækinu Hitatækni sem þá var staðsett í Skipholti 50 í Reykjavík. Eigandinn var Ásgeir Sigurðsson. Stöðin var mjög ódýr miðað við aðrar sem voru að koma á markaðinn á sama tíma. Samantekt heimildar: Sigurður Harðarson rafeindavirki