Neyðarlínan
1996
Varðveitt hjá
Byggðasafnið Skógum
Símaborð Neyðarlínunnar 112. Framleiðsluland: Kanada.
Fyrsta símaborð Neyðarlínunnar sem var með flýtivali til viðbragðsaðila. Neyðarlínan tók formlega til starfa með eitt neyðarnúmer þ. 1. janúar 1996 fyrir alla landsmenn. Fram að því hafði hver lögreglustöð og slökkvulið sitt eigið símanúmer. Þetta var því mikil hagræðing og stytti við-bragðstíma í neyð. Fyrsta árið tók Neyðarlínan á móti 165.000 innhringingum, eða að jafnaði 14.000 á mánuði. Samræmd neyðarsímsvörun fór fram á tveimur stöðum í byrjun. Starfsemin flutti síðan öll í nýtt sérhannað húsnæði að Skógarhlíð 14 í nóvember, sama ár. Fljótlega var þróað tölvukerfi sem gaf upplýsingar um númerin sem hringt var úr. Þetta flýtti fyrir og auðveldaði viðbragðsaðilum að finna staðsetningu og/eða eiganda númers. Talsvert var af villuinnhringingum fyrstu árin, aðallega var það vegna gamalla skífusímtækja sem enn voru í notkun. Eftir að landsmenn vöndust þjónustunni og gömlu símarnir hurfu, fækkaði villuinnhringingum. Fyrsta árið var einfaldur símabúnaður í stjórnstöð Neyðarlínunnar með 40 símalínum inn í húsið. Skömmu síðar var sett upp fullkomin símstöð sem reyndist afar vel í fjölda mörg ár.
Stöðug þróun er á tækjabúnaði Neyðalínunnar. Fullkomnari búnaður bíður upp á fljótvirkari viðbrögð. Neyðarlínan tók við rekstri á TETRA fjarskiptakerfinu árið 2005. Allir öryggis og viðbragðsaðilar eru tengdir því kerfi sem flýtir fyrir boðskiptum milli viðbragðs aðila. Árið 2012 var tekið á móti 213.984 símtölum hjá Neyðarlínunni. Þar af voru 140.527 neyðartilfelli.
Aðrar upplýsingar
Titill
Sérheiti: Neyðarlínan
Ártal
1996
Safnnúmer
Safnnúmer A: SHR-16
Aðfangategund
Undirskrár
Undirskrá: Samgöngusafnið
Undirskrá: Fjarskiptasafn Sigurðar Harðarsonar
Efnisorð / Heiti