Strokkur
Varðveitt hjá
Byggðasafnið Skógum
Strokkur, hæð 33,5 cm, þverm. v.
op 15 cm, v. botn ca. 10 cm, trégirtur af safnverði. Lok mun vera yngra
en strokkurinn sjálfur. Þetta er einn merkasti gripur, sem safnið hefur
eignast sökum gerðar og sögu. Strokkurinn tekur um einn pott af rjóma og
mun í upphafi hafa verið notaður að vetrarlagi er mjólk var lítil. Fyrst,
þegar saga fer af strokknum var hann í búi "Mála-Davíðs" (Davíðs
Jónssonar) á Brattlandi á Síðu. Hann dó 5. jan. 1839. Af Guðbjörgu Jónsdóttur
konu Davíðs keyptu strokkinn þrjár gamlar konur á Núpsstað, Ingibjörg,
Petrúnella og sú þriðja sem óvíst er hver var. Frá þeim eignaðist hann
Guðríður kona blinda Jóns, sem bjó á "steininum", sem kallað
var fyrir utan Foss á Síðu. Jón var bróðir Eiríks í Hlíð í Skaftártungu.
Jóhanna dóttir þeirra var hjá Magnúsi hreppstjóra á Fossi. Guðleif
Jónsdóttir frá Teigingalæk keypti strokkinn á eina krónu af Jóhönnu, er
hún byrjaði búskap, og notaði hann í tvö ár. Gefandi: Gróa Sigurðardóttir
frá Hvoli í Fljótshverfi, dóttir Guðleifar.
Aðrar upplýsingar
Safnnúmer
Safnnúmer A: S-315
Stærð
33.5 x 15 cm
Lengd: 33.5 Breidd: 15 cm
Staður
Staður: Hvoll, 880-Kirkjubæjarklaustri, Skaftárhreppur
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Strokkur
Heimildir
Safnskrá Skógasafns. Þ.T.
Upprunastaður
63°54'38.0"N 17°40'57.4"W