Klyfberi
Varðveitt hjá
Byggðasafnið Skógum
Klyfberi úr búi Einars Gíslasonar á Húsum í Holtum. Þórður Tómasson gróf klyfbera Einars upp úr húsarofi á Húsum árið 1973. Þá voru öll gömlu húsin ýmist fallin erð að falli komin og gamla, góða Húsafólkið brottu. Þessi klyfberi var nær eyðilagður af fúa, boginn skel utan um fúa og önnur klyfberakinnin gjörfúin. Eignarmark á boga, fallega grafið ÁR, varð gripnum til bjargar. Klyfberablöðin, þ.e. bogablöðin, gengu aðeins niður úr kinnum og þar töppuð. Markvert atriði í smíði. Í hjáverkum vetrar 2004 er klyfberinn nú gerður upp og færður í sýningarfært ástand. Til viðgerðar var notuð klyfberakinn, að hluta nokkuð fúin, úr húsrofinu á Húsum.
Klyfberinn kynni að vera úr eigu Árna Runólfssonar bónda í Ásmúla í Holtum 1892-1903 og meiri líkur eru þá fyrir því að hann sé smíðaður af föður hans, Runólfi Runólfssyni bónda í Áshól, f. 1827, d. 1900. Árni flutti til Reykjavíkur 1903. Afhent af Þórði Tómassyni.
Aðrar upplýsingar
Safnnúmer
Safnnúmer A: R-6848
Staður
Staður: Húsar 1, Ásahreppur
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Klyfberi
Heimildir
Safnskrá Skógasafns. Þ.T.
Upprunastaður
63°53'48.4"N 20°36'30.2"W