Panta mynd Notkunarskilmálar

Ferðaprímus

1950 - 2000

Varðveitt hjá

Minjasafnið á Akureyri

Ferðaprímus. Ferkantaður lokaður kassi, blár málmur. Járnin sem spenna hann saman eru líka fætur þegar hann er opnaður. Úr búi Jóns Sigurgeirssonar og Ragnhildar Jónsdóttur, Spítalavegi 13. Jón (f. 14. apríl 1909 - d. 11. sept 2000) var frá Helluvaði í Mývatnssveit og Ragnhildur (f. 24. ágúst 1926 - d. 1. apríl 2011) var frá Gautlöndum í Mývatnssveit. Börn Ragnhildar og Jóns eru Jón Gauti f. 1952, Geirfinnur f. 1955, Sólveig Anna f. 1959 og Herdís f. 1962. Þau hófu búskap sinn í Aðalstræti 50, Akureyri en fluttu árið 1957 í Spítalaveg 13 og bjuggu þar alla tíð. Bæði voru hjónin afar virk í ýmsu félagsstarfi. Jón var heiðursfélagi í Ferðafélagi Akureyrar og vann með þeim að fjölda verkefna á hálendinu s.s. við skálabyggingar, veglangningar og brúarsmíði. Hann starfaði með ýmsum kórum og Lúðrasveit Akureyrar. Hann stundaði bókband og smíðar sem áhugamál. Ragnhildur vann t.d. á Kristneshæli. Hún sat í stjórn Slysavarnarfélags Akureyrar og stjórn Húsmæðraskóla Akureyrar. Hún starfaði einnig í Kvenfélaginu Hlíf.