Búningur, skráður e. starfsemi, t.d. lögreglub.
1998 - 2008
Varðveitt hjá
Þjóðminjasafn Íslands
Einkennisfatnaður læknis á neyðarbíl. Búningur er dökkblár og skær gulur að lit með endurskinsborðum. Framan á búningnum vinstra megin er saumað í fatnaðinn: Landspítali háskólasjúkrahús, til hægri er saumað í fatnaðinn: JÓN B. Á annarri ermi er saumað: Landspítali háskólasjúkrahús og merki spítalans og á hina ermina er saumað kringlótt merki sem samanstendur af bláum hring með einkennistákni læknisfræðarinnar, slanga sem hringar sig utan um staf inni í stjörnu (star of life). Aftan á búninginn er saumað: Læknir. Á búningnum er belti með plastsmellu og á buxnaskálmunum sitt hvorum megin eru vasar með smellu. Miði innan í galla er alveg máður. Í sömu gjöf voru einnig gripir númer: Þjms. 2022-37-1, Þjms. 2022-37-2, Þjms. 2022-37-3
Upplýsingar frá gefanda:
Starfsemi neyðarbíls hófst haustið 1982, þegar deildarlækni af Borgarspítala var bætt við áhöfn sjúkrabíls, þar sem fyrir voru tveir sjúkraflutningamenn. Þessari áhöfn var ætlað að takast á við vandasöm útköll þar sem þátttaka læknis var talin hafa þýðingu, svo sem við endurlífgun eftir hjartastopp, bráð sjúkdómstilfelli og alvarleg slys. Einnig var hjúkrunarfræðingi af slysadeild bætt við þannig að fyrstu árin taldi áhöfnin fjóra starfsmenn. Má segja að það hafi verið hið fyrsta af þremur tímabilum sem skipta má sögu neyðarbílsins í. Eftir að hjúkrunarfræðingurinn hvarf úr áhöfninni var læknirinn við þriðja mann í bílnum en einhvern tíma á tíunda áratugnum var fyrirkomulaginu breytt þannig að læknirinn var við annan mann á sjúkrabíl sem fór til móts við aðra sjúkrabíla í útköll samkvæmt svonefndu stefnumótakerfi. Eftir það var neyðarbíllinn yfirleitt ekki notaður til að flytja sjúklinga og stóð þetta fyrirkomulag til 2008 þegar læknirinn hætti alveg að fara í útköll.
Neyðarbíllinn var sem sé í hnotskurn sjúkrabíll þar sem læknir tók virkan þátt í greiningu og meðferð sjúklinga á vettvangi og meðan á sjúkraflutningi stóð. Saga bílsins spannar rétt rúman aldarfjórðung og samfestingurinn sem hér um ræðir er frá síðasta tímabili þessarar starfsemi. Eins og sjá má er þetta ekki dæmigerður vinnufatnaður læknis heldur var hann sams konar og fatnaður sjúkraflutningamanna á þessum tíma. Honum var ætlað að sjást vel á vettvangi, gulur á lit að hluta með breiðum endurskinsborðum. Efnið var vænt og átti að þola ýmislegt hnjask. Búningurinn er merktur gefanda sem var yfirlæknir bráðaþjónusu utan sjúkrahúsa, þar með talið neyðarbílsins meðan hans naut við árin 2005-2010 .
Aðrar upplýsingar
Ártal
1998 - 2008
Efni
Safnnúmer
Safnnúmer A: Lms
Safnnúmer B: 2022-1
Aðfangategund
Undirskrár
Undirskrá: Lækningaminjasafnið_Lækningaminjar (Lms)
Efnisorð / Heiti