Kaffikrús
2012
Varðveitt hjá
Þjóðminjasafn Íslands
Kaffikrús merkt Rannsóknarnefnd umferðarslysa. Hvítur bolli / fantur með skjaldarmerki Íslands. Fyrir ofan merkið stendur með svörtu letri sem liggur í boga: Rannsóknarnefnd og fyrir neðan merkið: umferðarslysa og þar fyrir neðan: Zorró.
Upplýsingar frá gefanda:
Rannsóknarnefnd umferðarslysa var sett á laggirnar árið 1996 og var gefandi einn þriggja nefndarmanna sem þá voru í hana skipaðir af dómsmálaráðherra. Þetta var aukastarf nefndarmannanna þriggja og jafnvel þótt síðar væri ráðinn rannsóknarstjóri í fullt starf þurfti oft að sitja fram á nætur yfir þessari aukavinnu. Eitt kvöld er gefandi var að ljúka törn í skýrslugerð upp úr miðnætti sendi hann afraksturinn félögum sínum með gamanyrðum í þá veru að hann væri orðinn eins og hugsjónamaðurinn Zorró að reyna að vinna góðverk, þótt í skjóli nætur væri, og höfðu þau félagarnir gaman af. Seinna þegar gefandi dró sig í hlé frá nefnarstarfinu, síðastur upphaflegu þremenninganna, færðu þau honum krúsina að gjöf, merkta rannsóknarnefndinni og zorró. Rannsóknarnefnd umferðarslysa rann síðan árið 2013 inn í Rannsóknarnefnd samgönguslysa sem enn er starfandi undir því nafni.
Aðrar upplýsingar
Ártal
2012
Safnnúmer
Safnnúmer B: 2022-37-3
Aðfangategund
Undirskrár
Undirskrá: Munasafn
Efnisorð / Heiti