Stokkur, óþ. hlutv.

Varðveitt hjá

Útskorinn stokkur gerður af manni Elínar, Jörundi Gestssyni árið 1974 og síðar. Stokkurinn er að öllu verk Jörundar. Á hann er letrað með höfðaletri: Arnlaug Einarsd. Álftagróf, Mýrdal, f. 8.4.1861, d. 9.3.1940. Í stokknum er svartur þráðarhnykill unninn af Arnlaugu í Gróf, en hún var móðir Elínar og er gjöfin til minningar um Arnlaugu. Innan á loki er skrautletruð greinargerð um gjöfina gerð af Guðlaugi Heiðari Jörundssyni: "Trafaaskja þessi geymir svart ullarbandshnýti sem unnið er af Arnlaugu Einarsdóttur húsfreyju að Álftagróf í Mýrdal og lýsir vel verkkunnáttu hennar og vönduðu handbragði. Blessuð sé minning hennar. Öskjuna gerði eiginmaður minn, Jörundur Gestsson bóndi á Hellu í Steingrímsfirði, Strandasýslu. Til minningar um móður mína Arnlaugu Einarsdóttur, fel ég Byggðasafninu í Skógum undir Eyjafjöllum trafaöskju þessa til geymslu og varðveislu". Hellu 17. júni 1978, Elín Sigríður Lárusdóttir. Gefið af frú Elínu Sigríði Lárusdóttur að Hellu í Steingrímsfirði.

Aðrar upplýsingar

Jörundur Gestsson, Hlutinn gerði
Gefandi: Elín Sigríður Lárusdóttir

Safnnúmer

Safnnúmer A: S-1202

Staður

Staður: Álftagróf m/ Keldudal, Mýrdalshreppur

Aðfangategund

Munir

Undirskrár

Undirskrá: Almenn munaskrá

Efnisorð / Heiti

Efnisorð: Stokkur, óþ. hlutv.

Heimildir

Safnskrá Skógasafns. Þ.T.

Upprunastaður

63°29'16.2"N 19°11'3.2"W