Fáni
1944 - 1950
Varðveitt hjá
Þjóðminjasafn Íslands
Íslenskur fáni með áritun Sveins Björnssonar, fyrsta forseta lýðveldisins. Fáninn er blár með hvítum krossi og rauðum krossi innan í hvíta krossinum. Áritunin er staðsett á hvíta krossinum vinstra megin við miðju fyrir ofan rauða krossinn.
Fáninn var boðinn upp hjá danska uppboðshúsinu Bruun Rasmussen árið 2021. Vinafélag Þjóðminjasafns Íslands, Minjar og saga, festi kaup á fánanum í samstarfi við Eimskipafélag Íslands, sem styrkti kaupin og annaðist flutning hans til Íslands. Haft var samráð við þjóðminjavörð og starfsfólk Þjóðminjsafns Íslands áður en fáninn var keyptur, með það að leiðarljósi að fáninn yrði afhentur safninu til varðveislu. Einnig var leitað til Þjóðskjalasafns Íslands varðandi það að sannreyna undirskrift Sveins Björnssonar. Eftir kaupin var fáninn fluttur til landsins með Brúarfossi, skipi Eimskipafélagsins, og kom hann til landsins 6. júlí 2021 og var í framhaldinu afhentur Þjóðminjasafni Íslands.
Fáninn er annar af tveimur slíkum fánum með áritun Sveins Björnssonar (f. 1881, d. 1952) sem vitað er um. Sveinn gaf fánann á uppboð sem haldið var til styrkar hermönnum sem börðust í síðari heimsstyrjöldinni.
Aðrar upplýsingar
Gefandi: Minjar og saga
Ártal
1944 - 1950
Safnnúmer
Safnnúmer B: 2021-89
Stærð
0 x 192 x 133 cm
Breidd: 192 Hæð: 133 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Fáni