Pennastöng
1900 - 1920
Varðveitt hjá
Þjóðminjasafn Íslands
Pennastöng smíðuð úr hvalbeini og hvalsporði, gildust um miðju. Stöngin er samsett úr mörgum útskornum einingum og er gerð í líkingu við orm eða dreka. Hausinn er eins og með faxi að ofan, kjafturinn opinn og mjög tenntur með dökk augu. Í kjaftinum er pennaoddur sem stungið hefur verið inn á milli tungunnar og efri tannanna. Á hinum enda pennastangarinnar er hali eða sporður.
Pennastöngin er sögð smíðuð af færum myndskera, Jóhannesi Fanndal Helgasyni (f. 1887, d. 1920) frá Gíslabæ á Hellnum. Þjóðminjasafn Íslands varðveitir allnokkra gripi eftir Jóhannes. Í safninu er jafnframt varðveitt önnur mjög áþekk pennastöng (Þjms. L-218) sem virðist vera eftir sama listamann. Sú er hins vegar sögð smíðuð af manni að nafni Árni, en föðurnafn hans er óþekkt.
Upplýsingar frá gefanda:
Pennastöngina átti móðurafi gefanda, sr. Jón Norðfjörð Jóhannessen (f. 1878, d. 1958) og fékk hann hana að gjöf. Eftir hans dag fékk gefandi hana og hafði hún verið í hennar eigu þar til hún kom í safneign Þjóðminjasafns Íslands árið 2021.
Aðrar upplýsingar
Jóhannes Fanndal Helgason, Hlutinn gerði
Jón Norðfjörð Jóhannsson Johannessen, Notandi
Gefandi: Þuríður Guðjónsdóttir
Jón Norðfjörð Jóhannsson Johannessen, Notandi
Gefandi: Þuríður Guðjónsdóttir
Ártal
1900 - 1920
Efni
Safnnúmer
Safnnúmer B: 2021-34
Stærð
21.5 x 1.6 cm
Lengd: 21.5 Breidd: 1.6 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Pennastöng