Skírteini, skráð e. hlutv.
1967
Varðveitt hjá
Flugsafn Íslands
Skírteini Gísla Sigurðssonar flugvélasmiðs og svifflugmanns. Skírteinið var gefið út af Póst- og símamálastjórn 1. júní 1967 og veitti Gísla bráðabirgðaleyfi til að nota talstöð í íslensku flugfari. Skírteinið gilti til 1. apríl 1977. Skírteinið er ljósblátt að lit og er í plastvasa sem er orðinn rifinn og mattur.
Gísli Sigurðsson fæddist 26. janúar 1919. Hann lést 19. júlí 2003. Í æviágripi sem fylgdi minningargreinum um Gísla og birtist í Morgunblaðinu á útfarardegi hans segir:
"Hann lærði flugvéla- og svifflugusmíði í Þýskalandi og Svíþjóð, á árunum eftir seinni heimsstyrjöldina og var eini lærði svifflugusmiðurinn á Íslandi, en þau réttindi fékk hann með ráðherrabréfi. Hann tók einnig C-próf í svifflugi 1955. Gísli starfaði fyrir Svifflugfélag Íslands frá 1941-1980, sat í stjórn félagsins 1949-1978 og var gerður heiðursfélagi árið 1963. Hann starfaði á trésmíðaverkstæði Flugmálastjórnar frá 1980-1988, en frá 1988 og fram til síðasta dags vann hann fyrir Flugsögufélagið við að gera upp gamlar flugvélar. Meðal þeirra véla sem Gísli gerði upp á ferli sínum var Klemminn svokallaði, mótorvél sem þýskur sviffluguleiðangur kom með til Íslands, rétt fyrir seinna stríð." (Morgunblaðið, 29. júlí 2003: https://www.mbl.is/greinasafn/grein/744119/)
Umrædd flugvél, Klemminn, TF-SUX, er varðveitt og til sýnis á Flugsafni Íslands.
Aðrar upplýsingar
Ártal
1967
Efni
Safnnúmer
Safnnúmer B: 2021-14-1
Stærð
11.6 x 8.9 x 0.1 cm
Lengd: 11.6 Breidd: 8.9 Hæð: 0.1 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Öndvegisstyrkur
Undirskrá: Almenn munaskrá
Efnisorð / Heiti
Efnisorð: Skírteini, skráð e. hlutv.