Prófskírteini, skráð e. hlutv.
1947
Varðveitt hjá
Flugsafn Íslands
Prófskírteini Arnar Eiríkssonar frá bandaríska flugskólanum Spartan School of Aeronautics. Örn hlaut blindflugsréttindi 29. ágúst 1947 en hafði öðlast atvinnuflugmannsréttindi í apríl sama ár.. Skírteinið er blátt að lit og á því stendur með gylltum stöfum: Spartan School of Aeronautics Tulsa, Okla.. Þar fyrir ofan er merki skólans.
Örn Eiríksson (Bassi) fæddist á Akureyri 28. janúar 1926. Hann lést 15. júní 1996. Örn lærði loftsiglingafræði við Pan American Navigation Service í Kaliforníu og lauk námi árið 1946. 1947 lauk hann atvinnu- og blindflugsnámi við Spartan School of Aeronautics í Tulsa. Hann starfaði sem loftsiglingafræðingur hjá Loftleiðum um skamma hríð eftir að hann lauk námi en 1. september 1948 réði hann sig til Flugfélags Íslands.
Örn lauk prófi sem loftskeytamaður árið 1956 og sem flugumsjónarmaður árið 1968. Frá og með árinu 1968 starfaði hann sem flugumsjónarmaður, allt til starfsloka árið 1993. Auk starfa sinna hjá Flugfélagi Íslands starfaði Örn við ískönnunarflug fyrir Alþjóðaveðurfræðistofnunina og birgðaflutninga fyrir Bandaríkjaher á Norður-Atlantshafssvæðinu.
Aðrar upplýsingar
Ártal
1947
Efni
Safnnúmer
Safnnúmer B: 2021-13-8
Stærð
21.2 x 16.6 x 0.8 cm
Lengd: 21.2 Breidd: 16.6 Hæð: 0.8 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Öndvegisstyrkur
Undirskrá: Almenn munaskrá
Efnisorð / Heiti
Efnisorð: Prófskírteini, skráð e. hlutv.