Til baka í leit
Veistu meira?

Logbók

1930
Varðveitt hjá
Flugsafn Íslands
Logbók flugvéla Flugfélags Íslands númer tvö sem var í rekstri á árunum 1928-1931. Bókin er svört að lit og er í grunninn einföld stílabók en hefur verið strikað í, svo halda megi upplýsingum um hvert flug skilmerkilega til haga. Fyrsta færsla bókarinnar er skráð 19. júní 1930 og sú síðasta 9. ágúst 1931. Í bókina eru skráð flug flugvélanna Súlunnar og Veiðibjöllunnar. Sigurður Jónsson flugmaður fæddist í Garðbæ á Eyrarbakka 18. febrúar 1910. Hann lést 22. ágúst 1986. Sigurður, eða Siggi flug eins og hann var kallaður, var handhafi flugskírteins nr. 1 á Íslandi og fyrsti atvinnuflugmaður landsins. Hann stundaði flugnám í Böblingen, Würzburg og Warnemünde í Þýskalandi frá 1928 til 1930. Þegar hann lauk námi réði hann sig til Flugfélags Íslands og starfaði þar árin 1930 og 1931 eða þar til að félagið lagði upp laupana vegna rekstrarerfiðleika. Hann hvarf til annarra starfa en sneri aftur í flugið þegar Flugfélag Akureyrar (síðar Flugfélag Íslands) var stofnað árið 1937. Árið 1945 var hann ráðinn skrifstofustjóri embættis flugmálastjóra. Sigurður varð framkvæmdastjóri Loftferðaeftirlits ríkisins árið 1956 og gegndi því embætti til sjötugsaldurs.

Aðrar upplýsingar

Ártal
1930
Efni
Safnnúmer
Safnnúmer B: 2021-4-14
Stærð
20.6 x 12.6 x 0.7 cm Lengd: 20.6 Breidd: 12.6 Hæð: 0.7 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Öndvegisstyrkur Undirskrá: Almenn munaskrá
Efnisorð / Heiti
Efnisorð: Logbók