Til baka í leit
Veistu meira?

Logbók

1930
Varðveitt hjá
Flugsafn Íslands
Logbók úr eigu Sigurðar Jónssonar flugmanns, Sigga flug. Bókin er ljósbrún að lit og á henni stendur: “Flugbuch. A See” en krotað hefur verið yfir See og skrifað fyrir ofan “Land”. Í neðra vinstra horni stendur: “D.V.S.” og í neðra hægra horni er bókin merkt Sigurði með hans skrift: “S. Jónsson”. Fyrsta færsla bókarinnar er skráð 10. febrúar 1930 og sú síðasta 13. mars 1930. Um er að ræða skólaflug við flugskólann í Warnemünde í Þýskalandi. Sigurður Jónsson flugmaður fæddist í Garðbæ á Eyrarbakka 18. febrúar 1910. Hann lést 22. ágúst 1986. Sigurður, eða Siggi flug eins og hann var kallaður, var handhafi flugskírteins nr. 1 á Íslandi og fyrsti atvinnuflugmaður landsins. Hann stundaði flugnám í Böblingen, Würzburg og Warnemünde í Þýskalandi frá 1928 til 1930. Þegar hann lauk námi réði hann sig til Flugfélags Íslands og starfaði þar árin 1930 og 1931 eða þar til að félagið lagði upp laupana vegna rekstrarerfiðleika. Hann hvarf til annarra starfa en sneri aftur í flugið þegar Flugfélag Akureyrar (síðar Flugfélag Íslands) var stofnað árið 1937. Árið 1945 var hann ráðinn skrifstofustjóri embættis flugmálastjóra. Sigurður varð framkvæmdastjóri Loftferðaeftirlits ríkisins árið 1956 og gegndi því embætti til sjötugsaldurs.

Aðrar upplýsingar

Ártal
1930
Efni
Safnnúmer
Safnnúmer B: 2021-4-13
Stærð
22.7 x 14.1 x 0.5 cm Lengd: 22.7 Breidd: 14.1 Hæð: 0.5 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Öndvegisstyrkur Undirskrá: Almenn munaskrá
Efnisorð / Heiti
Efnisorð: Logbók