Til baka í leit
Veistu meira?

Gleraugu

1928 - 1945
Varðveitt hjá
Flugsafn Íslands
Gleraugu, flugmannsgleraugu, úr eigu Sigurðar Jónssonar flugmanns, Sigga flug. Gleraugun eru með brúnu leðri og ljósbrúnni teygju sem er slitin og hefur verið bundin saman. Sigurður Jónsson flugmaður fæddist í Garðbæ á Eyrarbakka 18. febrúar 1910. Hann lést 22. ágúst 1986. Sigurður, eða Siggi flug eins og hann var kallaður, var handhafi flugskírteins nr. 1 á Íslandi og fyrsti atvinnuflugmaður landsins. Hann stundaði flugnám í Böblingen, Würzburg og Warnemünde í Þýskalandi frá 1928 til 1930. Þegar hann lauk námi réði hann sig til Flugfélags Íslands og starfaði þar árin 1930 og 1931 eða þar til að félagið lagði upp laupana vegna rekstrarerfiðleika. Hann hvarf til annarra starfa en sneri aftur í flugið þegar Flugfélag Akureyrar (síðar Flugfélag Íslands) var stofnað árið 1937. Árið 1945 var hann ráðinn skrifstofustjóri embættis flugmálastjóra. Sigurður varð framkvæmdastjóri Loftferðaeftirlits ríkisins árið 1956 og gegndi því embætti til sjötugsaldurs.

Aðrar upplýsingar

Ártal
1928 - 1945
Efni
Safnnúmer
Safnnúmer B: 2021-4-5
Stærð
21.6 x 9 x 3.1 cm Lengd: 21.6 Breidd: 9 Hæð: 3.1 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Öndvegisstyrkur Undirskrá: Almenn munaskrá
Efnisorð / Heiti
Efnisorð: Gleraugu