Til baka í leit
Veistu meira?

Ljósmynd, með ramma

1940 - 1945
Varðveitt hjá
Flugsafn Íslands
Ljósmynd í svörtum viðarramma. Ljósmyndin er af Nirði H. Snæhólm flugmanni og yfirrannsóknarlögregluþjóni. Á myndinni er Njörður klæddur einkennisbúningi Konunglega norska flughersins. Njörður H. Snæhólm fæddist 4. júlí 1917, hann lést 18. maí 2003. Njörður tók A-próf á land- og sjóflugvélar hjá Wideröes Flyselskap í Osló árið 1939. Einnig tók hann A og B próf í svifflugi frá Norsk Aeroclub, Frederikstad í Noregi árið 1938. Hann gekk í Konunglega norska flugherinn árið 1940 og fór í flugskóla í Toronto í Kanada auk þess sem hann nam þar siglingafræði og herfræði á árunum 1940-1941. Hann gerðist lögreglustjóri í 330. flugsveit hersins á Íslandi árið 1941 og gegndi þeirri stöðu til ársins 1945. Hann gekk til liðs við lögregluna í Reykjavík árið 1946  og varð yfirlögregluþjónn hjá Rannsóknarlögreglu ríkisins árið 1977. Hann lét af störfum vegna aldurs árið 1984. Njörður var um tíma í stjórn Svifflugfélags Íslands.   

Aðrar upplýsingar

Ártal
1940 - 1945
Efni
Safnnúmer
Safnnúmer B: 2021-3-12
Stærð
21.6 x 16.5 x 0.8 cm Lengd: 21.6 Breidd: 16.5 Hæð: 0.8 cm
Staður
Núverandi sveitarfélag: Reykjavíkurborg, Reykjavíkurborg
Sýningartexti
Njörður fæddist að Sneis á Laxárdal í Austur-Húnavatnssýslu 4. júlí 1917. Hann lést 18. maí 2003. Njörður fór til Noregs árið 1937 til að læra minkarækt og ásamt því tók hann A-próf á land- og sjóflugvélar hjá Wideröes Flyselskap í Osló. Einnig tók hann A og B próf í svifflugi frá Norsk Aeroclub, Frederikstad í Noregi. Njörður gekk í Konunglega norska flugherinn 1940 og var þá sendur með 330 flugsveitinni til herþjálfunar í Toronto, Kanada. Hann var einn af fyrstu meðlimum þeirrar flugsveitar. 330 flugsveitin var stofnuð í London, Englandi, 25. apríl 1941 af norsku útlagastjórninni í samvinnu við breska flugherinn. Markmið sveitarinnar var að verja skipalestir á Norður-Atlantshafinu, frá Bandaríkjum Norður-Ameríku og Kanada til Bretlands og Murmansk. Staðsetning sveitarinnar var á Íslandi. Einnig var Njörður í herforingja- og lögregluþjálfun hjá The Royal Canadian Mounted Police.  Njörður var lögreglustjóri hjá Konunglega norska flughernum. 330 flugsveitinni, á árunum 1942 til 1946 í Nauthólsvík í Reykjavík, Skotlandi og Shetlandseyjum og síðan á Sola flugvelli við Stavanger og Gardermoen flugvelli við Oslo, í Noregi. Árið 1946 sneri Njörður aftur til Íslands, þar sem hann gekk til liðs við lögreglulið Reykjavíkurborgar. Síðar varð hann yfirrannsóknarlögregluþjónn hjá Rannsóknarlögreglu ríkisins og gegndi hann þeirri stöðu þar til hann lét af störfum fyrir aldurssakir. Árið 1949 kom út eftir hann bókin Á kafbátaveiðum. Íslendingur í her og lögreglu bandamanna, þar sem hann lýsir veru sinni hjá Konunglega norska flughernum og þátttöku sinni í seinni heimsstyrjöldinni.
Sýningarstaður
Sýningarsalur
Aðfangategund
Undirskrár
Undirskrá: Öndvegisstyrkur Undirskrá: Almenn munaskrá
Efnisorð / Heiti