Skrifpúlt
Varðveitt hjá
Minjasafnið á Akureyri
Fyrrum átti
skrifpúltið Jóhannes Halldórsson skólastjóri á Akureyri. Útlit púltsins
er á þessa leið: Kassinn er úr mahóni, spónlagat og lakkað. Kassinn
er skorinn sundur á ská eftir endilöngum flatveg og hjaraður saman,
mjög mikið koparvarinn bæði á hornum
og tvö bönd þvert yfir lok og hliðar. Skjöldur á loki og í kringum skráargat
og víðar. Allur þessi kopar sem er bæði til prýðis og styrktar er feldur
niður í tréð og ber því ekki hærra. Þegar kassinn er opnaður verður púltlag
á honum og stærðin þá 50,5 x 57 sm, hæð að framan 5 sm og hæð að aftan
15 sm. Þá koma fyrst fyrir tvær hurðir eða lok sín á hvorum enda og eru
þær yfirlímdar með brúnu áklæði og er sá flötur notaður sem skrifborð.
Í þeim hlutanum sem minni er er aðeins eitt hólf. Í stærri hlutanum til
hliðar við hurðina er eitt langt og mótt hólf með loki og tvö lítil loklaus
fyrir blekbyttur. Ef hurðinni eða lokinu sem skrifað er á er lokið upp
kemur í ljós eitt stórt hólf og tvær litlar skúffur undir fyrrnefndum hólfum.
Ef að er gáð sést að stóra hólfið er grynnra en það það hefur útlit til
að vera og má þá finna skúffu undir því dregna út um annann gaflinn. Á
henni er inngreyptur koparskjöldur með haldi sem lítið ber á, samskonar
skjöldur er á hinum enda til að gera útlitið eins. Skúffa þessi er með
átta hólfum, fóðruð innan með bréfi. Skrifpúlt þetta keypti Davíð Sigurðsson
timburmeistari á Akureyri um 1920 af ekkju Jóhannesar Halldórssonar Ragnheiði
Maríu fyrrum Thorarensen en Sigríður dóttir Davíðs eignaðist það síðar
en stjórnarformaður Minjasafnsins Jónas Kristjánsson mjólkursamlagsstjóri
keypti það fyrir Minjasafnið af frú Sigríði Davíðsdóttur og greiddi fyrir
það 3000 kr.
Aðrar upplýsingar
Jóhannes Halldórsson, Notandi
Efni
Safnnúmer
Safnnúmer A: 2905
Stærð
50.5 x 28 x 20 cm
Lengd: 50.5 Breidd: 28 Hæð: 20 cm
Staður
Núverandi sveitarfélag: Akureyrarbær, Akureyrarbær
Aðfangategund
Undirskrár
Undirskrá: Munaskrá - MSA
Efnisorð / Heiti
Efnisorð: Skrifpúlt