Til baka í leit
Veistu meira?

Hornhilla

01.01.1908
Varðveitt hjá
Minjasafnið á Akureyri
Rakel Kristjánsdóttir f.24.6.1863. með drengina sína Jónas Jónsson f.21.4.1900 og Jóhannes Jónssyni f.12.10.1898, í Haganesi Mývatni.

Aðrar upplýsingar

Ártal
01.01.1908
Efni
Safnnúmer
Safnnúmer A: BS-581
Sýningartexti
Sýningin Ljósmyndari Mývetninga - mannlífsljósmyndir Bárðar Sigurðssonar frá upphafi 20. aldar. Myndasalur Þjóðminjasafns Íslands 29. janúar - 2. maí 2011. Í baðstofunni í Haganesi í Mývatnssveit 1908 Kvöldstund í baðstofu. Kona situr á rúmi og spinnur á rokk og drengur tyllir sér við hlið hennar með bók í hendi. Annar drengur situr á stól fyrir framan rúmið og er að fitja upp á prjón.  Konan er í dagtreyju úr vaðmáli með víðum ermum og rykkt við handveg. Drengirnir eru í hnébuxum, heilsokkum og hnepptum treyjum. Ljós logar á olíulampa á slagborði. Á því mátti fella borðplötu niður að hluta. Hornhilla með kappa er yfir rúminu og á henni lausar ljósmyndir og ein innrömmuð og bakvið þær þurrkuð blóm til skrauts. Á vegg hangir innrömmuð ljósmynd af fjölskyldu, líklega frá Vesturheimi og veggklukka. Fjölskyldumyndir frá Vesturheimi voru alla jafna stærri við upphaf 20. aldar en íslenskar fjölskyldumyndir. Rakel Kristjánsdóttir með sonum sínum Jóhannesi og Jónasi Jónssonum. (ILB)
Aðfangategund
Undirskrár
Undirskrá: Glerplötur - Bárður Sigurðsson
Flokkun
Efnisorð / Heiti
Myndefni: Hornhilla
Myndefni: Húslestur
Myndefni: Olíulampi
Myndefni: Prjón
Myndefni: Rokkur
Myndefni: Skammbiti, í sperrukverk
Myndefni: Spuni, handiðn
Myndefni: Veggklukka
Heimildir
Myndabók Bárðar Sigurðsson, varðveitt á Minjasafninu á Akureyri. Eftir fráfall Bárðar árið 1937 seldi Sigurbjörg Sigfúsdóttir ekkja hans Eðvarði Sigurgeirssyni ljósmyndara á Akureyri plötusafn hans, sem varðveitti það mjög vel í upprunalegum umbúðum Bárðar í húsi sínu, Möðruvallastræti 4 á Akureyri. Eftir fráfall Eðvarðs og Mörtu Jónsdóttur konu hans,  komu börn þeirra Egill Eðvarðsson og Elsa Friðrika Eðvarðsdóttir safni Bárðar til varðveislu á Minjasafnið á Akureyri. Safnið samanstendur af um 850 glerplötum sem eru bæði mannamyndir og útimyndir af ýmsum toga. Ljóst er að þetta er ekki allt glerplötusafn Bárðar því fleiri myndir eru til eftir hann, sem ekki eru í þessu plötusafni.