Koddaver
Varðveitt hjá
Borgarsögusafn Reykjavíkur
Lítið koddaver utan um svæfil. Hólmfríður saumaði koddaverið í Handavinnudeild Handíða- og myndlistaskólans 1949-1951. Litlir koddar voru kallaðir svæflar (svæfill). Þeir voru yfirleitt notaðir til að leggja ofan á stærri kodda, nema hjá ungabörnum.
Koddaverið er saumað úr fíngerðu bómullarefni. Það er enginn útsaumur á koddaverinu en handhekluð blúnda er utan um verið á þrjá vegu. Blúndan er hekluð jafnóðum við koddaverið, en algengast var og er enn, að hekla blúnduna fyrst og sauma hana síðan við koddaverið. Til að koma heklunálinni í gegnum hið fíngerða bómullarefni notaði Hólmfríður stoppunál til að búa til götin.
Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.
Aðrar upplýsingar
Safnnúmer
Safnnúmer B: 2017-24-6
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Skólahandavinna - textíll
Efnisorð / Heiti