Aðrar upplýsingar
Ártal
01.01.1907
Safnnúmer
Safnnúmer A: BS-314
Sýningartexti
Sýningin Ljósmyndari Mývetninga - mannlífsljósmyndir Bárðar Sigurðssonar frá upphafi 20. aldar.
Myndasalur Þjóðminjasafns Íslands 29. janúar - 2. maí 2011.
Guðni Sigurðsson í Brennási á Fljótsheiði 1907
Guðni situr á hesti í heimagerðum fötum og á íslenskum skóm. Hann er með kringlótt spangargleraugu. Hesturinn er með stangabeisli með einföldu höfuðleðri og taumi úr grönnu hampsnæri. Maðurinn heldur á nýsilfurbúinni svipu úr spanskreyr með leðuról. Hnakkurinn er allur úr leðri; löf, seta, hnakktöskugjarðir og reiði. Yfirdýnan er riffluð og stoppuð. Ístöðin eru einföld og úr kopar. Faxið er snyrt en taglið er óklippt og sítt og dregst við jörð. Hundur stendur hjá. Húsveggur með litlum glugga og uppreistum stiga í bakgrunni. Við til hægri er tjald sem Bárður hefur stillt upp sem baktjaldi fyrir myndatökur sínar. (ILB)
Aðfangategund
Undirskrár
Undirskrá: Glerplötur - Bárður Sigurðsson
Flokkun
Efnisorð / Heiti
Heimildir
Myndabók Bárðar Sigurðsson, varðveitt á Minjasafninu á Akureyri.
Eftir fráfall Bárðar árið 1937 seldi Sigurbjörg Sigfúsdóttir ekkja hans Eðvarði Sigurgeirssyni ljósmyndara á Akureyri plötusafn hans, sem varðveitti það mjög vel í upprunalegum umbúðum Bárðar í húsi sínu, Möðruvallastræti 4 á Akureyri. Eftir fráfall Eðvarðs og Mörtu Jónsdóttur konu hans, komu börn þeirra Egill Eðvarðsson og Elsa Friðrika Eðvarðsdóttir safni Bárðar til varðveislu á Minjasafnið á Akureyri. Safnið samanstendur af um 850 glerplötum sem eru bæði mannamyndir og útimyndir af ýmsum toga. Ljóst er að þetta er ekki allt glerplötusafn Bárðar því fleiri myndir eru til eftir hann, sem ekki eru í þessu plötusafni.